Qazaqstandyq jәne reseylik aqparat betteri ekonomikalyq odaqtyng óz valutasy bolatyny turaly jarysa jazuda. Kelesi jyldyng birinshi qantarynan bastap júmys isteytin EAEO-nyng aldaghy 5-10 jylda óz valutasy bolmaq. Yaghny onsyzda qúny joq tengening janazasy jaqynda shyghyp qalady degen sóz. Osyghan deyin ortaq valua turaly әngimeni kóldeneng júrt aityp kelse búl joly RF-nyng bildey viyse-premieri Igori Shuvalov aity. Ol Sovet odaghynyng tarauyn jay ghana ekonomikalyq kenistikting ydrauy dep týsinedi eken. Astana arnasy janalyqtaryna qaranyz, Euraziyalyq odaqqa qol qoyylar aldynda búl súraqtan barynsha ainalyp ótip, búl mәsele talqylanbaydy dep jýrgen Shuvalov endi elding qúlaghyna suyq sóz salyp jatyr.

Valuta – memleket tәuelsizdigining kepili, últtyq rәmiz sipetti. Odaq júmysy bastalmastan kóptegen «ortaqtar» turaly әngimeler qylang berip jatyr. Eshqanday «sayasy sypaty joq» odaq qújatyna qol qoyylardan búryn, Mәsimovtyng birinshi orynbasary Baqytjan Saghyntaev ortaq valuta bolmaydy dep kesip aitqan bolatyn. Endi ony әriptesi «ótirikshi» qylyp otyr.

Jap-jana odaqtyng 1 qantargha deyin biz bilmeytin әli qansha syry ashylatynyn kim bilsin, eng bastysy biylik halyqty aldamauy jәne talap-tilegin tyndauy kerek. Osy rette Baqytjan Ábdirúlynan óz «ótiriginin» syryn týsindirudi súraymyz. Odaqpen birge ozyq el bolamyz dep orgha týsip jýrmeymiz be? Ekonomikalyq kenistikte Qazaqstannyng tabatyn paydasyn emes, beretin bodauy qanshalyq bolatynyn  bilgimiz keledi.

Núrghaly Núrtay

Abai.kz