سارسەنبى, 8 ءساۋىر 2020
COVID-19 قازاقستاندا. جۇقتىرعاندار — 704. جازىلعاندار — 51. قايتىس بولعاندار — 6
افريكالىقتىڭ ارمانى... 5270 0 پىكىر 26 ناۋرىز, 2014 ساعات 19:10

مامۋتۋ كۋليبالي: اللا قالاسا، قازاق قىزىنا ۇيلەنەمىن!

«قايسار» - قىزىلوردا فۋتبول كلۋبىنىڭ قورعاۋشىسى مامۋتۋ كۋليبالي قازاق قىزىنا ۇيلەنبەكشى. فۋتبولشى بۇل ويىن «قايسار» كلۋبىنىڭ رەسمي سايتىنا بەرگەن سۇحباتىندا ايتقان.

تومەندە اياقدوپشىنىڭ سۇحباتىن ىقشامداپ اۋدارىپ بەرىپ وتىرمىز.

مامۋتۋ كۋليبالي:

«ەكى جىلدان بەرى قازاق قىزىمەن كەزدەسىپ ءجۇرمىن. ەسىمى – ءمادينا. پاۆلوداردا تۇرادى. بانكتە جۇمىس ىستەيدى. بىلتىرى فرانتسيادا بىرگە دەم الدىق. ونى سۇيەم، ساعىنامىن. اللا قالاسا، بولاشاعىمدى تەك مادينامەن عانا بايلانىستىرامىن.

وكىنىشكە قاراي، قازاقشا تۇسىنبەيمىن. شىنىمدى ايتسام، پاۆلوداردا قازاقشا ۇيرەنۋگە قاجەتتىلىك بولعان جوق. ول جاقتا ءبارى ورىسشا سويلەيدى. قىزىلوردا قازاقى قالا ەكەنىن بىلەمىن، سوندىقتان كەشىكپەي قازاق ءبىر-ەكى اۋىز بىلەتىندەي دارەجەدە بولاتىن شىعارمىن.

قازاقستان مەن جۇمىس ىستەپ جۇرگەن 6-نشى ەل. ءارتۇرلى ەلدىڭ چەمپيوناتتارىندا ويناي ءجۇرىپ، سول ەلدىڭ ءتىلىن ۇيرەندىم. ورىس، اعىلشىن، فرانتسۋز، مالي تىلدەرىن بىلەمىن. تۇرىكشە دە ازداپ سويلەيمىن».

 

مامۋتۋ كۋليبالي - مالي ەلىنىڭ ازاماتى. لەگيونەر اياقدوپشى. قازاقستاننىڭ ايماقتىق فۋتبول كوماندالارىنىڭ قۇرامىندا ويناعان. قازىر «قايسار» - قىزىلوردا فۋتبول كلۋبىنىڭ قورعاۋشىسى.

مامۋتۋدىڭ وتانى مالي – افريكانىڭ باتىسىندا ورنالاسقان مەملەكەت. بۇرىن فرانتسيانىڭ وتارى بولعان. بۇل ەلدىڭ رەسمي ءتىلى – فرانتسۋز ءتىلى.

Abai.kz

0 پىكىر