جەكسەنبى, 12 شىلدە 2020
COVID-19 قازاقستاندا. جۇقتىرعاندار — 58253. جازىلعاندار — 33814. قايتىس بولعاندار — 264
46 - ءسوز 3171 0 پىكىر 15 ءساۋىر, 2014 ساعات 11:22

سوقىرمەن كورشى بولۋدىڭ قيىندىعى

ۋكراينانىڭ شىعىسىنداعى احۋال ۋشىعىپ كەتكەن سوڭ جەكسەنبىدەن بەرى كيەۆ "بەلگىسىز قارۋلى توپتىڭ" شابۋىلىنا قارۋمەن جاۋاپ بەرۋگە كوشتى. انتيتەررورلىق وپەراتسيا باستادى. انىعىن ايتقاندا كيەۆ ءوزى "اگرەسسور" دەپ اتاعان ەلدى ارقالانعان سەپاراتيستەرگە دە، ونىڭ دەم بەرۋشىسىنە دە سوعىس جاريالادى. استانا ۋاقىتىمەن دۇيسەنبىنىڭ تاڭعى التىسىندا نيۋ-يوركتە بۇۇ-نىڭ قاۋىپسىزدىك كەڭەسى ۋكرايناداعى جاعدايعا بايلانىستى توتەنشە جيىن وتكىزەدى. "دە-فاكتو اگرەسسوردىڭ" "دە-يۋرە اگرەسسور" بولىپ تانىلۋىنا از قالعان سياقتى.

مۇنداي جاعدايدا بۇۇ وركەنيەتتى الەمدىك قاۋىمداستىقتىڭ اتىنان الدىڭعى داۋىس بەرۋدە اگرەسسور ەلدى قولداعان ون شاقتى مەملەكەتكە عانا ەمەس، "قالىس قالعان" كەيبىر ماڭىزدى ويىنشىلارعا دا: "اگرەسسورمەن بىرگەسىڭ بە، الدە قارسىسىڭ با؟" دەگەن ناقتى، تىكە ساۋال قويۋى مۇمكىن. بۇل سۇراققا: "اگرەسسوردىڭ اگرەسسياسىنا تۇسىنىستىكپەن قارايمىن" دەپ مىڭگىرلەي ەكىۇشتى جاۋاپ بەرۋگە نەمەسە تاعى ءبىر مارتە قالىس قالۋعا جول دا قالمايدى. يا قىرىق كىسىنىڭ جاعىنا وتەسىڭ، يا قىڭىر كىسىنىڭ جاعىنا وتەسىڭ. ەلىمىز ەكى وتتىڭ ورتاسىنان امان شىعادى دەپ ءۇمىت ەتۋدەن باسقا قايران جوق. گەوساياساتتان حابارى بار ادام قازاقستاننىڭ بۇگىنگە دەيىن ۋكراينا-رەسەي شيەلەنىسى كەزىندە ديپلوماتيانىڭ بار امالىن قولدانىپ باققانىن بىلەدى. ەڭ شەشۋشى ساتتە ەرگە قاراعان ەل جەرگە قاراماسىن دەپ تىلەيىك.

(عالىم بوقاشتىڭ فەيسبۋكتەگى پاراقشاسىنان)

 

0 پىكىر