قاراعاندى. 26 قاڭتار. قازتاگ – «ۆاليۋت-ترانزيت بانكتىڭ» ەكس-پرەزيدەنتى اندرەي بەلياەۆ (ايتباقى ءبىلالوۆ) سوت ۇكىمىمەن قايتارىلۋى ءتيىس شىعىن سوماسىنىڭ تەك 0,017% -ىن عانا وتەدى. بۇل تۋرالى قاراعاندى وبلىستىق پروكۋراتۋراسىنان حابارلادى.

بۇرىن حابارلانعانداي، قاراعاندى وبلىسىنىڭ پروكۋراتۋراسى تۇزەتۋ مەكەمەسىنىڭ «ۆاليۋت-ترانزيت بانك» اق ەكس-پرەزيدەنتى ايتباقى ءبىلالوۆتى شارتتى تۇردە-مەزگىلىنەن بۇرىن بوساتۋ تۋرالى ءوتىنىشىن قاناعاتتاندىرمادى.

«ماتەريالداردى زەرتەۋ بارىسىندا تۇزەتۋ مەكەمەسىنىڭ ءوتىنىشى قاناعاتتاندىرىلۋعا جاتپايتىنى انىقتالدى. قر زاڭناماسىنا ساي، باس بوستاندىعىنان ايرىلعان تۇلعا، ەگەر ول قىلمىسىمەن كەلتىرگەن شىعىندى قايتارۋ بويىنشا شارالار قابىلداعان بولسا، ول شارتتى تۇردە مەزگىلىنەن بۇرىن بوساتىلۋى مۇمكىن. ال سوتتالعان ا. بىلالوۆقا 960,1 ملن تەڭگەلىك ۇكىم قاعازى بار. اتالعان سومادان ا. ءبىلالوۆ تەك 170 993 تەڭگەسىن وتەدى، ول قايتارىلۋى ءتيىس جالپى سومانىڭ 0,017% -ىن عانا قۇرايدى»، - دەپ حابارلادى وبلىستىق پروكۋراتۋرانىڭ ءباسپاسوز قىزمەتىنەن.

قاداعالاۋ ورگانىنىڭ پىكىرىنشە، «اتالعان جاعداي ا. ءبىلالوۆتىڭ تۇزەلۋ جولىنا تۇسپەگەندىگىن، «ۆاليۋت-ترانزيت بانك» سالىمشىلارىنىڭ قۇقىعىنا نەمقۇرايلى قارايتىندىعىن ايعاقتايدى. ال سالىمشىلاردىڭ باسىم بولىگى وزدەرىنىڭ سوڭعى جيعان-تەرگەنىن بانككە سالعان، حالىقتىڭ الەۋمەتتىك قورعالماعان توبىنان تۇرادى».

قاراعاندى. 26 قاڭتار. قازتاگ – «ۆاليۋت-ترانزيت بانكتىڭ» ەكس-پرەزيدەنتى اندرەي بەلياەۆ (ايتباقى ءبىلالوۆ) سوت ۇكىمىمەن قايتارىلۋى ءتيىس شىعىن سوماسىنىڭ تەك 0,017% -ىن عانا وتەدى. بۇل تۋرالى قاراعاندى وبلىستىق پروكۋراتۋراسىنان حابارلادى.

بۇرىن حابارلانعانداي، قاراعاندى وبلىسىنىڭ پروكۋراتۋراسى تۇزەتۋ مەكەمەسىنىڭ «ۆاليۋت-ترانزيت بانك» اق ەكس-پرەزيدەنتى ايتباقى ءبىلالوۆتى شارتتى تۇردە-مەزگىلىنەن بۇرىن بوساتۋ تۋرالى ءوتىنىشىن قاناعاتتاندىرمادى.

«ماتەريالداردى زەرتەۋ بارىسىندا تۇزەتۋ مەكەمەسىنىڭ ءوتىنىشى قاناعاتتاندىرىلۋعا جاتپايتىنى انىقتالدى. قر زاڭناماسىنا ساي، باس بوستاندىعىنان ايرىلعان تۇلعا، ەگەر ول قىلمىسىمەن كەلتىرگەن شىعىندى قايتارۋ بويىنشا شارالار قابىلداعان بولسا، ول شارتتى تۇردە مەزگىلىنەن بۇرىن بوساتىلۋى مۇمكىن. ال سوتتالعان ا. بىلالوۆقا 960,1 ملن تەڭگەلىك ۇكىم قاعازى بار. اتالعان سومادان ا. ءبىلالوۆ تەك 170 993 تەڭگەسىن وتەدى، ول قايتارىلۋى ءتيىس جالپى سومانىڭ 0,017% -ىن عانا قۇرايدى»، - دەپ حابارلادى وبلىستىق پروكۋراتۋرانىڭ ءباسپاسوز قىزمەتىنەن.

قاداعالاۋ ورگانىنىڭ پىكىرىنشە، «اتالعان جاعداي ا. ءبىلالوۆتىڭ تۇزەلۋ جولىنا تۇسپەگەندىگىن، «ۆاليۋت-ترانزيت بانك» سالىمشىلارىنىڭ قۇقىعىنا نەمقۇرايلى قارايتىندىعىن ايعاقتايدى. ال سالىمشىلاردىڭ باسىم بولىگى وزدەرىنىڭ سوڭعى جيعان-تەرگەنىن بانككە سالعان، حالىقتىڭ الەۋمەتتىك قورعالماعان توبىنان تۇرادى».

ودان باسقا، مەكەمەنىڭ ءوتىنىشىن قاراعان كەزدە زارداپ شەگۋشى تاراپ بولىپ تابىلاتىن جانە سالىمشىلاردىڭ مۇددەسىن وكىلدەندىرەتىن «ۆاليۋت-ترانزيت بانك» اق جويۋ كوميسسياسىنىڭ پىكىرى دە تىڭدالدى. سالىمشىلار «ۆاليۋت-ترانزيت بانك» اق ەكس-پرەزيدەنتىنىڭ شارتتى تۇردە مەزگىلىنەن بۇرىن بوساتىلۋىنا قارسى ەكەنىن جازباشا ءبىلدىردى. وسى سەبەپتى دۇيسەنبى كۇنى وبلىس پروكۋراتۋراسى وبلىستىڭ قاجكب-ءنىڭ اك-159/1 مەكەمەسىنىڭ 2010 جىلعى 19-شى قاڭتارداعى ا. ءبىلالوۆتى جازاسىن وتەۋدەن شارتتى تۇردە-مەزگىلىنەن بۇرىن بوساتۋ جونىندەگى ءوتىنىشىن قاناعاتتاندىرماۋ تۋرالى قاۋلى قابىلدادى.

ەسكە سالا كەتسەك، 2008 جىلى 26-شى ماۋسىمدا قاراعاندىنىڭ قازبەك بي اتىنداعى اۋداندىق سوت ۇكىمىمەن ا. ءبىلالوۆ 3 جىل 6 ايعا باس بوستاندىعىنان ايرىلعان بولاتىن. ونىڭ جازانى اتقارۋ مەرزىمى 2010 جىلعى 29-شى تامىزدا اياقتالادى.