تيمۋر قۇلىباەۆ قازاقستانعا زالال اكەلگەن جويقىن سۋ تاسقىنىنا بايلانىستى اتىراۋ وبلىسىن قالپىنا كەلتىرۋگە 30 ملرد تەڭگە بولەدى، دەپ حابارلايدى Abai.kz.

سۋ تاسقىنىنان زارداپ شەككەن ازاماتتاردىڭ قايعىسىنا ورتاقپىن. ءبىز العاشقى كۇندەردەن باستاپ تاسقىننان زارداپ شەككەن ايماقتارعا كومەك كورسەتۋدەمىز. پرەزيدەنت قاسىم-جومارت كەمەلۇلى توقاەۆتىڭ باسشىلىعىمەن بارلىق قيىندىقتى بىرگە ەڭسەرەتىنىمىزگە سەنىمدىمىن، - دەدى تيمۋر قۇلىباەۆ.

ەستەرىڭىزدە بولسا كەشە مەملەكەت باسشىسى قاسىم-جومارت توقاەۆ جويقىن سۋ تاسقىنىڭ سالدارىمەن كۇرەستە كۇش-جىگەردى بىرىكتىرۋ تۋرالى ۇندەۋ جاساعان بولاتىن. كەزدەسۋ بارىسىندا ءار سۋ باسقان وڭىردەگى پروبلەمالاردى شەشۋ جولىندا قازاقستاندىق ەڭ باي ادامداردىڭ ات سالىسۋى جونىندە ءسوز قوزعالعان.

سوڭعى جىلدارى تيمۋر قۇلىباەۆتىڭ كومپانيالار توبى پرەزيدەنتتىڭ باستامالارىن قولداۋعا ءارى قايىرىمدىلىققا 85 ملرد تەڭگەدەن استام قارجى باعىتتادى. ونىڭ ىشىندە توپان سۋمەن كۇرەسكە 1,5 ملرد تەڭگە ءبولدى.

Abai.kz