قارجى نارىعىن رەتتەۋ جانە دامىتۋ اگەنتتىگى شاعىن نەسيەلەردى ەلەكتروندى تۇردە بەرۋ قاعيدالارىنا قارجىلىق قىزمەتتەردى كورسەتۋ قاۋىپسىزدىگىن ارتتىرۋعا ءتيىس تۇزەتۋلەر ازىرلەدى، دەپ حابارلايدى Abai.kz Ulysmedia.kz-كە سىلتەمە جاساپ.

جوبا ميكروقارجى ۇيىمى (مقۇ) مەن قارىز الۋشى اراسىندا ميكروكرەديت بەرۋ تۋرالى شارت جاساسۋ، سونداي-اق وعان وزگەرىستەر مەن تولىقتىرۋلار ەنگىزۋ بيومەتريالىق سايكەستەندىرۋ ارقىلى جۇزەگە اسىرىلاتىنى قاراستىرىلعان.

بيومەتريالىق سايكەستەندىرۋ كليەنتتىڭ بيومەتريالىق سايكەستەندىرۋ كەزىندە باقىلاۋ قوزعالىستارىنىڭ قايتالانبايتىن تىزبەكتەرىن ورىندايتىنىن تەكسەرۋ ارقىلى كليەنتتىڭ بيومەتريالىق دەرەكتەرىن بۇرمالاۋ ءۇشىن ستاتيكالىق كەسكىندى نەمەسە بەينە جازبانى پايدالانۋدان قورعاۋدى قامتاماسىز ەتەدى.

سونداي-اق، كليەنتتى جەكە كابينەتكە تىركەگەن كەزدە ونىڭ ۇيالى تەلەفونىنىڭ نومىرىنە نەمەسە بانك شوتىنىڭ دەرەكتەمەلەرىنە وزگەرىستەر ەنگىزۋ ءۇشىن (تەرمينالدار ارقىلى شاعىن نەسيە بەرۋدى قوسپاعاندا) ازاماتتان بيومەتريالىق دەرەكتەر تالاپ ەتىلەدى.

بۇل رەتتە كليەنتكە بانكتىك شوتتىڭ نەمەسە تولەم كارتاسىنىڭ مەنشىك قۇقىعىن انىقتاۋ مۇمكىن بولماسا، اقشا اۋدارىلمايدى.

سونىمەن قاتار، تۇزەتۋلەر كليەنتتى بيومەتريالىق سايكەستەندىرۋ كەزىندە الىنعان دەرەكتەردى ساقتاۋ قاۋىپسىزدىگىن قامتاماسىز ەتۋ ءۇشىن مقۇ-عا قويىلاتىن تالاپتاردى بەلگىلەيدى.

Abai.kz