Qarjy naryghyn retteu jәne damytu agenttigi shaghyn nesiyelerdi elektrondy týrde beru qaghidalaryna qarjylyq qyzmetterdi kórsetu qauipsizdigin arttyrugha tiyis týzetuler әzirledi, dep habarlaydy Abai.kz Ulysmedia.kz-ke silteme jasap.

Joba mikroqarjy úiymy (MQÚ) men qaryz alushy arasynda mikrokredit beru turaly shart jasasu, sonday-aq oghan ózgerister men tolyqtyrular engizu biometriyalyq sәikestendiru arqyly jýzege asyrylatyny qarastyrylghan.

Biometriyalyq sәikestendiru kliyentting biometriyalyq sәikestendiru kezinde baqylau qozghalystarynyng qaytalanbaytyn tizbekterin oryndaytynyn tekseru arqyly kliyentting biometriyalyq derekterin búrmalau ýshin statikalyq keskindi nemese beyne jazbany paydalanudan qorghaudy qamtamasyz etedi.

Sonday-aq, kliyentti jeke kabiynetke tirkegen kezde onyng úyaly telefonynyng nómirine nemese bank shotynyng derektemelerine ózgerister engizu ýshin (terminaldar arqyly shaghyn nesie berudi qospaghanda) azamattan biometriyalyq derekter talap etiledi.

Búl rette kliyentke banktik shottyng nemese tólem kartasynyng menshik qúqyghyn anyqtau mýmkin bolmasa, aqsha audarylmaydy.

Sonymen qatar, týzetuler kliyentti biometriyalyq sәikestendiru kezinde alynghan derekterdi saqtau qauipsizdigin qamtamasyz etu ýshin MQÚ-gha qoyylatyn talaptardy belgileydi.

Abai.kz