ەلدەگى ەكولوگيا سىن كوتەرمەي تۇر. تىپتەن ارنايى قوقىس تاستايتىن كونتەينەردىڭ الدىنان ءوتۋ مۇمكىن ەمەس. ءيىسى عانا بولسا ءبىر ءجون، قوقىستار ارنايى كونتەينەرگە سالىنباي، اينالىپ وتۋدەن باسقا امالدى قالدىرماي وتىر. سول ءۇشىن  قوقىستى كونتەينەرگە تاستاماعان قازاقستاندىقتارعا ءىرى كولەمدە ايىپپۇل سالىنۋى مۇمكىن، - دەپ حابارلايدى Abai.kz ءتىلشىسى.

بۇگىن ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتىندە "تۇرمىستىق قاتتى قالدىقتاردى ءتيىمدى باسقارۋ" تاقىرىبىندا دوڭگەلەك ۇستەل وتىرىسى ءوتىپ جاتىر. جيىندا ەكولوگيا جانە تابيعي رەسۋرستار ءمينيسترى ەرلان نىسانباەۆ ۆەدومستۆو قۇرىلىس قالدىقتارىنا باقىلاۋدى كۇشەيتۋدى جوسپارلاپ وتىرعانىن جەتكىزدى.

"ەكولوگيا مينيسترلىگى ونەركاسىپ جانە قۇرىلىس مينيسترلىگىمەن بىرلەسىپ، "ە-قۇرىلىس" اقپارات جۇيەسىن كۇشەيتۋ اياسىندا قۇرىلىس كومپانيالارىنىڭ قۇرىلىس قالدىقتارىن باقىلاۋ تەتىگىن پىسىقتاپ جاتىر. قالدىقتاردىڭ پايدا بولۋ كولەمى جانە ارنايى كاسىپورىندار قاتتى تۇرمىستىق قالدىقتاردى شىعارۋى بويىنشا شارتتار بولۋى تۋرالى مالىمەتتەردى وسى جۇيەدە كورسەتۋ ۇسىنىلادى. بۇگىندە نورماتيۆتىك تەحنيكالىق قۇجاتتارعا وزگەرىستەر ەنگىزىلىپ جاتىر", - دەدى ول.

"ازاماتتار مەن بيزنەس سۋبەكتىلەرىنىڭ ساناسىن ارتتىرۋ ءۇشىن بەلگىلەنگەن ورىنداردان تىس جەرلەردە قوقىس شىعارعانى ءۇشىن ايىپپۇل مولشەرىن ۇلعايتۋ ماسەلەسى قاراستىرىلىپ جاتىر. وسى تۇزەتۋلەرگە تالداۋ جۇرگىزىلىپ جاتىر" - دەدى ەرلان نىسانباەۆ.

ەكولوگيا مينيسترلىگىنىڭ مالىمەتىنشە، بەلگىلەنگەن ورىنداردان تىس جەردە قوقىس شىعارعانى ءۇشىن ايىپپۇلداردى ۇلعايتۋدى كوزدەيتىن اكىمشىلىك قۇقىقبۇزۋشىلىق تۋرالى كودەكسكە تۇزەتۋلەر ازىرلەنگەن.

"جەكە تۇلعالار ءۇشىن 50 اەك-تەن (184 600 تەڭگە) 200 اەك-كە (738 400 تەڭگە، 1 اەك – 3 692 تەڭگە), ال شاعىن كاسىپكەرلىك سۋبەكتىلەرى نەمەسە كوممەرتسيالىق ەمەس ۇيىمدار ءۇشىن 100 اەك-تەن (369 200 تەڭگە) 750 اەك-كە (2 ملن 769 مىڭ تەڭگە) دەيىن، ورتا كاسىپكەرلىك سۋبەكتىلەرى ءۇشىن 100 اەك-تەن (369 200 تەڭگە) 1000 اەك-كە (3 ملن 692 مىڭ تەڭگە) دەيىن، ءىرى كاسىپكەرلىك سۋبەكتىلەرى ءۇشىن 100 اەك-تەن (369 200 تەڭگە) 2000 اەك-كە (7 ملن 384 مىڭ تەڭگە) دەيىن. قازىر ول قوعامدىق تىڭداۋدان ءوتتى جانە كورسەتىلگەن تۇزەتۋلەرگە تالداۋ جۇرگىزىلەدى. ويتكەنى بيزنەس سۋبەكتىلەرىنە قاتاڭ تالاپ ەنگىزىلەدى", - دەپ جازىلعان حابارلامادا.

Abai.kz