«اتامەكەن» ۇلتتىق كاسىپكەرلەر پالاتاسىنىڭ (ۇكپ) بۇرىنعى توراعاسى ابىلاي مىرزاحمەتوۆ وليگارح قايرات بورانباەۆتى بوساتۋعا ۋادە بەرىپ، 30 ميلليون دوللار پارا الدى» دەپ ايىپتالۋدا. بۇل تۋرالى قازاقستان باق-تارى جازۋدا.

«تالعات بورانباەۆ (قايرات بورانباەۆتىڭ اعاسى) قايرات بورانباەۆقا قاتىستى قىلمىستىق ءىستى توقتاتۋعا كومەكتەسكەنى ءۇشىن مىرزاحمەتوۆكە $30 ملن بەردى»، - دەلىنگەن ۇكپ بۇرىنعى باسشىسىنىڭ ءىسى بويىنشا الدىن الا تىڭداۋ قورىتىندىسىندا.

«تالعات بورانباەۆ مىرزاحمەتوۆ ىسىندە فيگۋرانت بولىپ وتىر»، - دەپ جازادى قازتاگ.

«تۇركيا رەسپۋبليكاسىنىڭ ستامبۋل قالاسىندا اقشالاي قاراجاتتى ۇرلاۋعا باعىتتالعان تىكەلەي نيەتپەن قوزعالعان مىرزاحمەتوۆ ونى (بورانباەۆ – قازتاگ) قىلمىس جاساۋعا يتەرمەلەپ، جاۋاپتى مەملەكەتتىك لاۋازىمداردى اتقاراتىن ادامدارعا جانە قۇقىق قورعاۋ ورگاندارىنىڭ لاۋازىمدى ادامدارىنا بەرۋ ءۇشىن قاجەتتى 30 ملن دوللار كولەمىندە پارا بەرۋ قاجەتتىگىن كورسەتتى»، - دەدى پروكۋرور.

ەستەرىڭىزگە سالا كەتەيىك، 2023 جىلدىڭ 10 مامىرىندا مىرزاحمەتوۆ $30 ملن (ت13,3 ملرد) پارا الدى دەگەن ايىپپەن ۇستالعان ەدى.

كەيىن «انتيكور» مىرزاحمەتوۆتىڭ ۇستىنەن قىلمىستىق ءىس قوزعالعانىن رەسمي راستادى. وليگارح قايرات بورانباەۆتىڭ اعاسى ابىلاي مىرزاحمەتوۆ ءىسى بويىنشا ىقتيمال پارا بەرۋشى رەتىندە كورسەتىلدى.

قايرات بورانباەۆ 2023 جىلعى 31 ناۋرىزدا 8 جىلعا باس بوستاندىعىنان ايىرىلدى. 14 قىركۇيەكتە قارجى مونيتورينگى اگەنتتىگى بورانباەۆ مەملەكەتكە 15 قىركۇيەكتە ت120 ملرد.سوماسىنداعى اكتيۆتەردى كاسىپكەرگە قايتارعانىن، باس بوستاندىعىنان ايىرۋ مەرزىمىن 6 جىلعا دەيىن قىسقارتقانىن حابارلادى. ونان سوڭ، قايرات بورانباەۆ مەملەكەت مەنشىگىنە ءبىرسىپىرا اكتيۆتەرىن قايتارىپ بەرىپ، بوستاندىققا شىققان ەدى.

14 قازاندا بورانباەۆپەن بايلانىستى ماڭعىستاۋ وبلىسىنداعى «اق Phystech II» مۇناي كومپانياسىنىڭ 100% اكتسياسىن مەملەكەتكە سىيعا تارتىلعانى حابارلاندى.

Abai.kz