جۇما, 21 ماۋسىم 2024
اقمىلتىق 1941 6 پىكىر 8 قاڭتار, 2024 ساعات 12:16

مارعۇلان بورانبايدىڭ تۇرمەدەن جولداعان ءۇشبۋ حاتى

سۋرەت: الەۋمەتتىك جەلىدەن الىندى

ءويتىپ-ءبۇيتىپ، 2024 جىلعا دا جەتتىك. ەندى ءبىر اينالىمنان كەيىن – 2025 جىل. فينيشتىك مارە.

25-تە، تولىق 52 جاسىمدا، اباقتىدان شىعىپ، جۇرت قاتارىنا قوسىلامىن.

ءبىر جىل دەگەن نە؟ ونىڭ قالاي ءوتىپ شىققانىن دا بايقاماي قالارمىز. سوندىقتان بۇگىننەن باستاپ، ات ابزەلدەرىن، ەرتوقىمىمدى دۇرىستاپ، ايبالتامدى قايراپ، ەتىگىمدى مايلاپ، بوستاندىققا دايىندالايىن.

تۋرمەدە ءبىراز جايتتاردان تىس قالدىم. قۇداي ساقتاپ قالدى ما، كىم ءبىلسىن؟ بىراق، الدىمدا ءالى تالاي قىزىقتى وقيعالار، تالاي ساياسي دودا، سايلاۋ-جارىستار كۇتۋدە.

تەك مەنى عانا ەمەس، بۇكىل قازاقتى!

بۇگىنگى‐كەشەگى كۇنمەن شەكتەلمەي، وتكەن-كەتكەندى ەزە بەرمەي، كۇيىس قايتارماي، كەلەشەكتى ويلاپ، سول كەلەشەككە ناقتى جوسپار قويىپ، بىرگە دايىندالايىق.

ماقساتىمىز وزگەرگەن جوق!

قازاق ۇلتشىلدارى ساياسي كۇشكە اينالىپ، ءسيتۋاتيۆتى كەزدەيسوق احۋالعا تاۋەلدى ەمەس، جۇيەلى پارتيا نەمەسە پارتيالار بولىپ، ءار دەڭگەيدەگى سايلاۋلارعا قاتىسىپ، ول سايلاۋلاردى ۇتىپ، سونىڭ ارقاسىندا ءماجىلىستىڭ كوپشىلىگىن قۇرىپ، بيلىككە كەلۋ كەرەك.

تۇرمەگە اكەلگەن تاقىرىپ – جەرىمىزدە قاپتاعان «ۆاتنيك-سەپاراتيستەر»، سولاردىڭ قاۋپى ەدى. ول قاۋىپ ەندى جوق دەپ ايتۋعا بولادى. «ۆاتنيكتەردىڭ» ءداۋىرى اياقتالۋعا جاقىن، كارى قويدىڭ قالعان ومىرىنەن اسپاس، ازار بولسا 1-2 جىل. رەسەيدىڭ ىدىراۋمەن ولار دا كەلمەسكە كەتەر.

قازىردىڭ وزىندە ولارعا كۇش جۇمساپ، ۋاقىت ءبولىپ، كوڭىل، نازار اۋدارىپ قاجەتى جوق – ىسىراپ.

ولاردىڭ وزدەرى، اسىرەسە، ىشىندەگى سەركەلەرى، بەلسەندىلەرى تىقىر تايانعانىن سەزىپ، تىعىلاتىن جەر ىزدەۋدە، دوربالارى جينالعان، قاشۋعا دايىن تۇر.

كوبىسى كەتىپ تە ۇلگەرگەن، ۇيالعانىنان جاسىرادى، ءبىز ەستىمەسىن دەپ. قازاقستاننان بەزىپ كەتكەن.

نە بوسقىن ەمەس، نە مۇعاجىر ەمەس – بەزگەن.

ولار – كەشەگى كۇن. بۇگىنگى كۇن – كەشە مەن ەرتەڭگى كۇننىڭ اراسىنداعى 2 اتتام ءدالىز. بىزگە تولاتىن كۇن – ەرتەڭ!

جاساسىن قازاق رەسپۋبليكاسى! قازاق ۇلتشىلدارى جاساسىن!

مارعۇلان بورانباي،

5 قاڭتار. وسكەمەن تۇرمەسى

Abai.kz

6 پىكىر