سارسەنبى, 21 اقپان 2024
انە، كوردىڭ بە؟ 1559 7 پىكىر 5 جەلتوقسان, 2023 ساعات 13:36

«يمپەراتور پۋتين» بيلىكتى بەرگىسى كەلمەي قالدى...

«كرەملدىڭ ىشكى ساياسي بلوگىندا جانجال باستالدى»، - دەيدى DALA INSIDE ارناسىنىڭ رەسەي قاۋىپسىزدىك كەڭەسىنە جاقىن دەرەككوزى.

«تسارگراد» مەدياجۇيەسىنىڭ قوجايىنى كونستانتين مالوفەەۆ ورىس حالىق سوبورىن ۇيىمداستىرىپ، سول جەرگە ءپۋتيندى شاقىرىپ، ونى ورىس يمپەراتورى اتاماق بولعان. ياعني پۋتين ءوزىن يمپەراتور دەپ تانىپ، 2024 جىلى سايلاۋعا ءتۇسۋدىڭ ورنىنا رەفەرەندۋم وتكىزىپ جىبەرۋى ءتيىس.

ال ساياساتتانۋشى دۋگين بولسا وسى شارانىڭ انونسى مەن ءتىپتى، ءپۋتيننىڭ وندا سويلەيتىن ءسوزىن جاريالاپ جىبەرگەن. بۇل پرەزيدەنت اپپاراتىمەن كەلىسىلمەگەندىكتەن، كرەملدە ۇلكەن شۋ شىقتى.

اپپارات باسشىسىنىڭ ورىنباسارى سەرگەي كيريەنكو بۇل يدەياعا مۇلدە قارسى بولعان. ال ىشكى ساياساتقا جاۋاپ بەرەتىن يارينعا كەرىسىنشە باستاما ۇناپ وتىر. كرەملدەگى باسىم كوپشىلىك مۇنى ارانداتۋ دەپ سانايدى. سوندىقتان مالوفەەۆ پەن دۋگين تاياق جەۋى مۇمكىن. بىراق ءبارى ءپۋتيننىڭ كوزقاراسىنا قاتىستى بولادى.

كرەمل قوجايىنى ءالى ءوز پوزيتسياسىن بىلدىرمەدى. ءپۋتيننىڭ 2024 جىلى سايلاۋعا ءتۇسۋى قاۋىپسىزدىك كەڭەسى باسشىسى نيكولاي پاترۋشەۆتىڭ جوسپارىندا جوق. بىلتىر پاترۋشەۆ پۋتينمەن ءوزىنىڭ ۇلى دميتري پاترۋشەۆكە بيلىكتى وتكىزىپ بەرەدى كەلىسكەن بولاتىن. سوندا عانا قازىرگى پرەزيدەنتكە ايتارلىقتاي گارانتيا بەرىلەدى. بىراق كورشىلەس مەملەكەتتەردەگى ترانزيتتەردىڭ نەمەن اياقتالعانىن كورگەن پۋتين «بيلىكتى وتكىزۋ جوسپارىنا» سالقىن قاراي باستادى دەيدى، ينسايدەرلەر.

2024 - رەسەيدەگى ساياسي تولقىندار جىلى بولاتىنى انىق.

Abai.kz

7 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1511
ءالىپبي

لاتىن جايى

بيجومارت قاپالبەك 1554