وسىدان بىرنەشە جىل بۇرىن تاۋەلسىزدىك مەرەكەسى قارساڭىندا جاڭا جىلعا دايىندالىپ جاتقان تالدىقورعاندىق شەنەۋنىكتەردىڭ نامىسسىزدىعى مەن كورسوقىرلىعى كەسىرىنەن مەلەكەتتىك تۋىمىز قوقىس تاسيتىن دورباعا اينالعانىن دا كوزىمىزبەن كورىپ، قۇلاعىمىزبەن ەستىگەن ەدىك. اقىرى زاڭ ورىندارى ارالاسىپ، قالالىق اكىمدىكتىڭ كوممۋنالدىق كاسىپورنى بولىپ تابىلاتىن  مەكەمەنى جاۋاپقا تارتقان  بولاتىن.  دەگەنمەن، سودان بەرى وبلىس ورتالىعىندا جاعداي جاقسارىپ كەتتى، مەملەكەتتىك ءتىلدىڭ كوسەگەسى كوگەرىپ، ۇلتتىق جانە مەملەكەتتىك نىشاندارىمىز بەن رامىزدەرىمىز سالتانات قۇرىپ تۇر دەۋگە اۋزىمىز بارمايدى. وسىدان ءبىراز عانا بۇرىن «مەنياەم ستارىە نا نوۆىە» دەگەن جارنامانى «كارىنى جاڭاعا  اۋىستىرامىز» دەپ اۋدارىپ، ورتالىق كوشەگە جالاۋلاتىپ ءىلىپ، ايدى اسپانعا ءبىر-اق شىعارعان ەدى. اقىرى، جۋرناليستەر دابىل قاعىپ، اقىرى كەمشىلىك دۇرىستالعان بولاتىن.  

وسىدان بىرنەشە جىل بۇرىن تاۋەلسىزدىك مەرەكەسى قارساڭىندا جاڭا جىلعا دايىندالىپ جاتقان تالدىقورعاندىق شەنەۋنىكتەردىڭ نامىسسىزدىعى مەن كورسوقىرلىعى كەسىرىنەن مەلەكەتتىك تۋىمىز قوقىس تاسيتىن دورباعا اينالعانىن دا كوزىمىزبەن كورىپ، قۇلاعىمىزبەن ەستىگەن ەدىك. اقىرى زاڭ ورىندارى ارالاسىپ، قالالىق اكىمدىكتىڭ كوممۋنالدىق كاسىپورنى بولىپ تابىلاتىن  مەكەمەنى جاۋاپقا تارتقان  بولاتىن.  دەگەنمەن، سودان بەرى وبلىس ورتالىعىندا جاعداي جاقسارىپ كەتتى، مەملەكەتتىك ءتىلدىڭ كوسەگەسى كوگەرىپ، ۇلتتىق جانە مەملەكەتتىك نىشاندارىمىز بەن رامىزدەرىمىز سالتانات قۇرىپ تۇر دەۋگە اۋزىمىز بارمايدى. وسىدان ءبىراز عانا بۇرىن «مەنياەم ستارىە نا نوۆىە» دەگەن جارنامانى «كارىنى جاڭاعا  اۋىستىرامىز» دەپ اۋدارىپ، ورتالىق كوشەگە جالاۋلاتىپ ءىلىپ، ايدى اسپانعا ءبىر-اق شىعارعان ەدى. اقىرى، جۋرناليستەر دابىل قاعىپ، اقىرى كەمشىلىك دۇرىستالعان بولاتىن.  

جالپى اقتاڭگەر اقىن احمەت كەندىربەكۇلى الماتى وبلىستىق تىلدەردى دامىتۋ باسقارماسىن باسقارعان جىلدارى مۇنداي كەلەڭسىزدىكتەر بىردەن نازارعا ىلىگىپ، ءتيىستى شارالار قولدانىلاتىن. قازىرگى كەزدە اتالعان باسقارماداعىلار ۇلتتىڭ نامىسى، مەملەكەتتىڭ مارتەبەسىنە كولەڭكە تۇسىرەر جاعدايلارعا كوز جۇما قارايدى. سونىڭ كەسىرىنەن ۇيعىر اۋدانىنداعى اۋىلداردىڭ، مەكتەپتەردىڭ اتاۋلارىن ەكى تىلدە: قازاقشا، ۇيعىرشا جازۋ قايتا ءورىس اىلپ، شەكتەن شىققاندار قازاقشا اتاۋدى ءبۇلدىرىپ تاستاۋعا دەيىن بارۋدا. تالدىقورعاندى ايتپاعاندا، وبلىستاعى باسقا دا ءىرى ەلدى مەكەندەر مەن جول بويىندا ساقاۋ ءارى ساپاسىز جارناما، قازاقتىڭ ءتىلى مەن دىلىنە نۇسقان كەلتىرەر كورىنىستەر قاپتاپ كەتتى.

ەندى، مىنە، «داستارحان W» كەشەنى ءوزىنىڭ وبلىس ورتالىعىنداعى ادامدار كوپ جۇرەتىن، دەمالاتىن جەرىنە ورنالاسقان «كامىشوۆىي راي» اتتى جازعى الاڭىنىڭ جانىنا  الىستان كوزگە تۇسەتىن جەرگە جابايى دارەتحانا ورناتىپ، ونىڭ سىرتىن قازاقتىڭ ويۋلارى بەدەرلەنگەن قاسيەتتى كيىزىمەن قاپتاپ قويىپتى. ونداعىلار وسىناۋ وسپادارلىقتارى ارقىلى قالاداعى قازاقتاردىڭ ورنى قايدا ەكەنىن كورسەتىپ وتىرعانداي. «كيىزىڭە تۇكىرگەنىم بار، سوندىقتان ويۋىڭدى دا ءوزورنىنا قويدىم» دەگەندەي بولىپ كورىنەتىن دارەتحانا ورنالاسقان تۇستان وتەتىن جولمەن قالا، وبلىس باسشىلارى، بىلايعى ازاماتتار كۇن سايىن ارلى-بەرلى اعىلىپ ءوتىپ جاتادى. كەيبىرى سول جازعى الاڭدا تاماقتانىپ، ويۋلى كيىزبەن قاپتالعان دارەتحاناعا بارىپ ءىشىن بوساتادى.  سولاردىڭ بىرەۋى دە كاسىپكەرگە جولىعىپ: «بۇنىڭ نە ماسقارا!» دەمەگەنى انىق. شىدام تاۋسىلعاننان كەيىن ءوزىمىز ارنايى  بارىپ ساۋال سالعانىمىزدا، جازعى الاڭنىڭ قوجايىنى ۆياچەسلاۆ تسوي ەش قىسىلماستان: «بۇرىندارى كيىز ءۇي تىگىپ، جازعى الاڭ رەتىندە پايدالانعانمىن. ونىڭ كيىزىن اق كوبلەك جەپ قويعان سوڭ، قالعانىن الىپ قالىپ دارەتحانانى قىمتاپ قويدىم. ويتكەنى، وسىندا تاماقتانۋعا كەلگەندەر دارەتحانانىڭ قاپتاماسى تىم جۇقا ەكەنىن ايتىپ شاعىمدانعان ەدى. قازىرگى كەزدە بارلىعى دۇرىس بولدى. ەشتەڭە كورىنبەيدى. وندا تۇرعان نە بار. مۇنان ۇلتتىق كەمسىتۋ ىزدەۋدىڭ ءجونى جوق»، – دەپ وزىمىزگە ءجون ايتتى. سۋرەتتەگى كورىنىس ويۋلى كيىز جامىلعان ءناجىسحانانىڭ بەرگى جاعى عانا، نەگىزىندە دارەتحانا تۇگەلىمەن ويۋلى كيىزبەن، ناقتىراق ايتقاندا قازاقتىڭ كيەلى كيىز ءۇيىنىڭ ءبىر بولىگىمەن قاپتالعان.

الماس قىلىش،

الماتى وبلىسى.

Abai.kz