وسى جانە اپتاداعى ورىس-ۋكراين سوعىسىنداعى الەمدى دۇرلىكتىرگەن ەكى وقيعا بولدى.

ونىڭ ءبىرىنشىسى – دۇيسەنبى كۇنگى سامعاۋىتتاردىڭ (درونداردىڭ) شابۋىلى ناتيجەسىندەگى جارتى ارالداعى قارۋ-جاراق قويماسىنداعى جارىلىس، ەكىنشىسى – وتكەن اپتانىڭ سەيسەنبىسى كۇنگى قىرىمداعى قارۋ-جاراق قويمالارىنا جاسالعان شابۋىلدار بولدى. بۇل جاھاندىق باق نازارىن وزىنە مىقتاپ اۋداردى.

CNN تەلەكومپانياسىنا بەرگەن سۇحباتىنداعى ۋكراينا قورعانىس ءمينيسترى الەكسەي رەزنيكوۆتىڭ: «قىرىم مەن قىرىم كوپىرىنە ودان ارى سوققى بەرۋدى ۇدەتە تۇسەمىز»، - دەگەن دايەكسوزى الەم جۇرتشىلىعىنىڭ كوپ نارسەگە كوزىن اشىپ بەردى.

«اتالعان بارشا نىسانداردى زاقىمداۋ – ولاردىڭ بىزگە قارسى سوعىسۋ مۇمكىندىگىن ازايتىپ، ۋكراينانىڭ ءومىرىن ساقتاپ قالۋعا كومەكتەسەدى»، - دەدى رەزنيكوۆ.

ودان ارى CNN ءتىلشىسىنىڭ: «ۋكراينا قىرىم كوپىرىن تولىق تاس-تالقان ەتۋدى ماقسات تۇتا ما؟» دەگەن سۇراعىنا:

«بۇل جاۋىڭنىڭ لوگيستيكالىق شەبىن بۇزۋعا باعىتتالعان قالىپتى تاكتيكا رەتىندە، وق-ءدارى، جانار-جاعارماي، ازىق-تۇلىك، باسقالارىن جەتكىزۋدىڭ جولىن تۇبەگەيلى كەسۋ. سوندىقتان ءبىز وسى تاكتيكانى ولارعا قارسى قولدانامىز»، - دەپ جاۋاپ بەردى.

ەندى بىزگە ءالىپتىڭ ارتىن باعىپ، ۋكراينانىڭ ءوز جاۋ قولىنداعى ايماعىن قالاي از شىعىنمەن ازات ەتۋىنە كۋا بولۋ عانا قالدى.

Abai.kz