«بايتاق» جانە Respublica پارتيالارى بارلىق وبلىستىق ءماسليحاتتار دەپۋتاتتارىن سايلاۋعا قاتىسادى. مۇنداي شەشىم ورتالىق سايلاۋ كوميسسياسىنىڭ وتىرىسىندا قابىلداندى.

«قازاقستاننىڭ «بايتاق» جاسىلدار پارتياسى 2023 جىلعى 21 جانە 27 قاڭتارداعى قاۋلىمەن 15 وڭىردەگى ءماسليحاتتار دەپۋتاتتارىن سايلاۋعا جىبەرىلدى. قازىرگى ۋاقىتتا پارتيا فيليالدارى بىرقاتار باسقا وبلىستا قۇرىلدى. Respublica ساياسي پارتياسى 2023 جىلعى 21 جانە 27 قاڭتارداعى قاۋلىمەن 19 ءوڭىردىڭ ءماسليحات دەپۋتاتتارىن سايلاۋعا جىبەرىلدى. قازىرگى ۋاقىتتا پارتيا فيليالى اتىراۋ وبلىسىندا قۇرىلعان. وسىعان بايلانىستى «قازاقستاننىڭ «بايتاق» جاسىلدار پارتياسىن اباي، اقمولا، جەتىسۋ، سولتۇستىك قازاقستان، ۇلىتاۋ وبلىستارى ءماسليحاتتارىنىڭ دەپۋتاتتارىن سايلاۋعا قاتىسۋعا جىبەرۋدىڭ كەيبىر ماسەلەلەرى تۋرالى قاۋلىنى، Respublica پارتياسىن اتىراۋ وبلىستىق ءماسليحاتتارى دەپۋتاتتارىن سايلاۋعا قاتىسۋعا جىبەرۋدىڭ كەيبىر ماسەلەلەرى تۋرالى قاۋلىنى قابىلداۋ ۇسىنىلادى»، - دەدى ورتالىق سايلاۋ كوميسسياسىنىڭ مۇشەسى شاۆكات وتەمىسوۆ.

وسىدان كەيىن ورتالىق سايلاۋ كوميسسياسى ءتيىستى قاۋلى قابىلدادى.

Abai.kz