مەملەكەتتىك ءتىلدى دامىتۋ قورىنىڭ ءباسپاسوز قىزمەتى «ءتاتتى الما» اتتى بالالارعا قازاق ءتىلىن ۇيرەنۋگە ارنالعان ويىن تۇرىندەگى جاڭا سايت اشىلعانىن حابارلايدى.

مەملەكەتتىك ءتىلدى دامىتۋ قورىنىڭ Soyle.kz كومانداسى «كازتسينك» جشس-نىڭ قولداۋىمەن بالالارعا ارنالعان تاپسىرمالارى، جاتتىعۋلارى جانە ويىن سيمۋلياتورلارى بار ينتەراكتيۆتى ويىن تۇرىندەگى العاشقى بىرەگەي «ءتاتتى الما» ونلاين-پلاتفورماسىن ىسكە قوستى.

پلاتفورما كىمگە ارنالعان؟

- 4 جاستان 10 جاسقا دەيىنگى بالالارعا

- اتا-انالارعا

- باستاۋىش سىنىپ مۇعالىمدەرىنە

- بالاباقشا تاربيەشىلەرىنە

- بالالار ورتالىقتارىنىڭ وقىتۋشىلارىنا

پلاتفورمانىڭ بىرەگەيلىگى – العاشىندا بالالار سايتتى ەرەسەكتەردىڭ كومەگىمەن مەڭگەرسە، كەيىن ساباقتى ءوز بەتىنشە جالعاستىرا الادى. وسىلايشا، اتا-انالار ءۇشىن بالالارىنىڭ ناتيجەلەرىنە قۋانۋ عانا قالادى. سونداي-اق، سايتتا مەكتەپكە دەيىنگى جانە باستاۋىش مەكتەپ مەكەمەلەرى ءۇشىن قازاق جانە ورىس تىلدەرىندە وقىتۋدىڭ وزەكتى ديداكتيكالىق ماتەريالدارى بار. بالالارعا ارنالعان 6 تومدىق «ءتاتتى الما» جيناعىنىڭ كوركەم شىعارمالارىن https://tattialma.kz/kz سايتىندا، «كىتاپحانا» بولىمىندە وقۋعا بولادى.

سايت ەكى نەگىزگى فۋنكتسيانى بىرىكتىرەدى:

- باستاۋىش سىنىپ وقىتۋشىلارىنا باعىتتالعان جانە ولاردى قازاق تىلىندە وقىتۋ كونتەنتىمەن قامتاماسىز ەتۋدى كوزدەيدى;

- بالالارعا ارنالعان ويىن تۇرىندەگى ءبىلىم بەرۋ باعدارلاماسى.

قازىرگى ۋاقىتتا №1 Soyle.kz ونلاين-پورتالىندا الەمنىڭ تۇكپىر-تۇكپىرىنەن 300 مىڭعا جۋىق پايدالانۋشى قازاق ءتىلىن ۇيرەنۋدە. سونداي-اق، Soyle.kz كومانداسىنىڭ ءتىل ۇيرەتەتىن «Soyletube», «Soyletiktok» ارنالارى، قازاق تىلىلىندە ساۋاتتى ءىس قاعازدارىن جۇرگىزۋگە كومەكتەسەتىن «Resmihat.kz» پلاتفورماسى، «Qazcomics.kz» ۆەب-گرافيكالىق روماندار سەرياسى، قازاقستانداعى تۇڭعىش «Abaialemi.kz» ونلاين-ەنتسيكلوپەدياسى، «Qazaqstan 3D» قازاقستاننىڭ كيەلى جەرلەرىنىڭ كارتاسى جانە «كىم بىلگىش؟» تۇڭعىش وتاندىق ءموبيلدى زياتكەرلىك ويىنى سياقتى جوبالارى ءساتتى جۇمىس ىستەۋدە.

Abai.kz