2023 جىلى IT-كومپانيالاردا 25 مىڭ جاڭا جۇمىس ورنى اشىلادى. بۇل تۋرالى قر ۇكىمەتىنىڭ كەڭەيتىلگەن وتىرىسىندا پرەمەر-مينيستر ءاليحان سمايىلوۆ ايتتى.

«ازاماتتارعا ساپالى قىزمەتتەردى كورسەتۋ ءۇشىن وبلىستىق جانە اۋداندىق ماڭىزى بار قالالاردا كەڭ جولاقتى ينتەرنەتكە قولجەتىمدىلىك قامتاماسىز ەتىلەدى. كەلەسى جىلى IT-كومپانيالاردا 25 مىڭ جاڭا جۇمىس ورنى اشىلادى»، - دەدى ۇكىمەت باسشىسى.

ونىڭ اتاپ وتۋىنشە، مەملەكەتتىڭ، بيزنەستىڭ جانە حالىقتىڭ ءتيىمدى ءوزارا ءىس-قيمىلى ءۇشىن پرواكتيۆتى مەملەكەتتىك سەرۆيستەرگە كوشۋ جۇزەگە اسىرىلادى. 1 قاڭتاردان باستاپ وتباسىنىڭ تسيفرلىق كارتاسى پيلوتتىق رەجيمدە ىسكە قوسىلادى. عىلىمنىڭ دامۋىنا سەرپىن بەرۋ ءۇشىن ءتيىستى 5 جىلدىق ۇلتتىق تۇجىرىمداماسى قابىلداندى.

«بيىل عالىمداردىڭ جالاقىسى 2 ەسەگە ۇلعايتىلدى. جاس عالىمداردى قولداۋ جانە ىنتالاندىرۋ ءۇشىن 1000-نان استام گرانت ءبولىندى، 400-دەن استام عالىم الەمدىك عىلىمي ورتالىقتارعا ستاجيروۆكاعا جىبەرىلدى. 3 جەتەكشى شەتەلدىك زەرتتەۋ جوعارى وقۋ ورىندارىنىڭ فيليالدارى اشىلدى. تاعى 2 فيليالدىڭ اشىلۋى پىسىقتالۋدا. كەلەسى جىلى «عىلىم جانە تەحنولوگيالىق ساياسات تۋرالى» زاڭ جوباسى ازىرلەنەدى»، - دەدى ءاليحان سمايىلوۆ.

Abai.kz