جۇما, 1 شىلدە 2022
جاڭالىقتار 2266 0 پىكىر 21 قاڭتار, 2013 ساعات 09:48

پرەزيدەنتكە حات: اۋە اپاتىندا قازاعا ۇشىراعان شەكارا اسكەرلەرىنىڭ باسشىلارىنا ارنالعان مەموريال سالىنسا

قازاقستان رەسپۋبليكاسىنىڭ پرەزيدەنتى

ن.ءا.نازارباەۆقا

اۋە اپاتىندا قازاعا ۇشىراعان شەكارا اسكەرلەرىنىڭ  باسشىلارىنا ارنالعان مەموريال سالۋ تۋرالى

اسا قادىرمەندى نۇرسۇلتان ءابءىشۇلى!

ءبىراز ۋاقىت وتسەدە شەكارا قىزمەتى باسشىلىعىنىڭ شىمكەنت ماڭىنداعى اۋە اپاتىندا قايعىلى قازاعا ۇشىراۋى كوڭىل-كۇيىمىزدى تىنىشتاندىرار ەمەس. ويتكەنى مۇنداي وقيعا سوعىس كەزىندە دە كەزدەسە بەرمەسە كەرەك. قازا بولعاندار تولىسقان، كۇش جىگەرى قايناعان، وزدەرىنىڭ تۋىستارى مەن دوستارىنا عانا ەمەس، شەكارا جۇيەسىنىڭ بارشا اسكەرلەرىنە اكە، اعا، جولداس بولىپ كەتكەن كومانديرلەر ەدى. ولار ءاربىر ءساتى قىراعىلىقتى تالاپ ەتەتىن، قاۋىپ-قاتەرلى تىنىمسىز شەكارا قىزمەتىن تاڭداعان ەرجۇرەك جاندار بولاتىن. ولاردىڭ قىزمەتتە وتكەن ءومىرى، ەگەمەندى ەلىمىزدىڭ شەكارا جۇيەسىن بەلسەنە قالىپتاستىرۋى، قۇرمەتكە لايىق. بۇل كىسىلەر ءبىزدىڭ بەيبىت ءومىرىمىزدى قامتاماسىز ەتۋ جولىندا مەرت بولدى.

قازاقستان رەسپۋبليكاسىنىڭ پرەزيدەنتى

ن.ءا.نازارباەۆقا

اۋە اپاتىندا قازاعا ۇشىراعان شەكارا اسكەرلەرىنىڭ  باسشىلارىنا ارنالعان مەموريال سالۋ تۋرالى

اسا قادىرمەندى نۇرسۇلتان ءابءىشۇلى!

ءبىراز ۋاقىت وتسەدە شەكارا قىزمەتى باسشىلىعىنىڭ شىمكەنت ماڭىنداعى اۋە اپاتىندا قايعىلى قازاعا ۇشىراۋى كوڭىل-كۇيىمىزدى تىنىشتاندىرار ەمەس. ويتكەنى مۇنداي وقيعا سوعىس كەزىندە دە كەزدەسە بەرمەسە كەرەك. قازا بولعاندار تولىسقان، كۇش جىگەرى قايناعان، وزدەرىنىڭ تۋىستارى مەن دوستارىنا عانا ەمەس، شەكارا جۇيەسىنىڭ بارشا اسكەرلەرىنە اكە، اعا، جولداس بولىپ كەتكەن كومانديرلەر ەدى. ولار ءاربىر ءساتى قىراعىلىقتى تالاپ ەتەتىن، قاۋىپ-قاتەرلى تىنىمسىز شەكارا قىزمەتىن تاڭداعان ەرجۇرەك جاندار بولاتىن. ولاردىڭ قىزمەتتە وتكەن ءومىرى، ەگەمەندى ەلىمىزدىڭ شەكارا جۇيەسىن بەلسەنە قالىپتاستىرۋى، قۇرمەتكە لايىق. بۇل كىسىلەر ءبىزدىڭ بەيبىت ءومىرىمىزدى قامتاماسىز ەتۋ جولىندا مەرت بولدى.

ولار كەشكەن قايعىلى ءساتتى وپات بولعان جەردە عانا تۇسىنە باستايسىز - مۇنى سوزبەن جەتكىزۋ مۇمكىن ەمەس. ولار ويدا جوقتا وزدەرىن نايزاعايدىڭ جالىنىنداي جالماي تۇسكەن اجالدى انىق تا بايقاپ ۇلگەرمەي، قۇلاي باستاعان ۇشاقتى قالانىڭ سىرتىنا ويلانباي باعىتتاپ، بەيبىت ەلدى توزاقتان ساقتادى - بۇل ولاردىڭ بولمىسى، ومىرلىك قاعيداسى، سوڭعى ەرلىگى.

ەندىگى ءبىزدىڭ پارىزىمىز ولاردىڭ قاندارى توگىلىپ، سىڭگەن جەردى كيەلىدەي ساقتاپ، قۇرمەتتەۋ. بۇگىننەن باستاپ ول جەردى اياقاستى ەتپەي قورشاپ، كوپكە سوزباي وسىناۋ ەرجۇرەك وتانداستارىمىزعا ارنالعان مەموريالدى كەشەن ۇيىمداستىرىپ، ارلەندىرىپ، جول سالعان ءجون. بۇل مەموريال كوپشىلىكتىڭ، اسكەريلەردىڭ كەز-كەلگەن، ەسكە الۋ، مەرەكە كۇندەرى دە كەلىپ، باس ءيىپ، تاعزىم ەتەتىن ورىنىنا اينالسىن. ولاردىڭ بەينەسى ءوز حالقىنا اقتىق دەمى شىققانشا بەرىلە قىزمەت ەتكەن پاتريوتتار ازاماتتار رەتىندە جادىمىزدا قالىپ، جەتكىنشەكتەرگە، بارىمىزگە دە ۇلگى بولۋى ءتيىس.

ەلىمىزدى كۇڭىرەنتكەن بۇل قايعىلى وقيعانىڭ بولعانىنا جاقىندا ءبىر اي تولماق. ەگەردە سول كۇنى ولاردىڭ بەينەسىن وسىلايشا ماڭگى ەستە قالدىرۋ تۋرالى ءسىزدىڭ شەشىمىڭىز جاريا ەتىلسە، بىزدىڭشە ورىندى بولماق جانە دە ولاردىڭ تۋعان-تۋىسقاندارىنىڭ، ءبارىمىزدىڭ جانىمىزعا باتقان جارانى سالگە دە بولسا جەڭىلدەتپەك.

اكادەميك ەرمەنتاي سۇلتانمۇرات، تۇرىك حالىقتارىنىڭ  دۇنيەجۇزىلىك اسسامبلەياسىنىڭ  پرەزيدەنتى

Abai.kz

0 پىكىر

ۇزدىك ماتەريالدار