رەسەيدىڭ ومبى قالاسىنداعى اسكەري كوميسسارياتتى ورتەپ جىبەرگەن قازاقستاندىقتار ۇستالدى. بۇل تۋرالى "حالىق ۇنىنە" سىلتەمە جاساپ، Abai.kz حابارلايدى.

اقپاراتتى العاش بولىپ Telegram-داعى Baza ارناسى جازدى. وندا ومبىداعى اسكەري كوميسسارياتقا ءورت قويعان ەكى ازاماتتىڭ ءبىرىنىڭ ۇستالعانى تۋرالى ايتىلعان. اڭساعان مولداحمەتوۆ 24 تامىزدا قولعا تۇسسە، سىبايلاسى سەيىل دياس ىزدەستىرىلىپ جاتىر.

كۇدىكتىلەرگە لاڭكەستىك شابۋىل جاسادى دەپ ايىپ تاعىلىپ وتىر. ولار 12 جىلدان 20 جىلعا دەيىن باس بوستاندىعىنان ايىرىلۋى مۇمكىن.

ايتا كەتەيىك، قوس قازاقتاندىق 12 مامىردا ومبىعا كەلىپ، كەلەسى كۇنى تۇندە اسكەري كوميسسارياتتىڭ عيماراتىنا ءورت قويعان بولاتىن. ولار "مولوتوۆ كوكتەيلدەرىن" پايدالانعان. الايدا عيماراتتاعى ءورت دەر كەزىندە ءسوندىرىلدى، ادام شىعىنى جوق. بۇل ارەكەتكە ولار 800 مىڭ رۋبل، شامامەن 6 ميلليون تەڭگە ءۇشىن بارعان.

Abai.kz