جەكسەنبى, 2 قازان 2022
1147 2 پىكىر 11 تامىز, 2022 ساعات 15:08

"قازاقستان تەمىر جولى" جۇمىسىنا تەكسەرىس جۇرگىزىلەدى

سىبايلاس جەمقورلىققا قارسى ءىس-قيمىل اگەنتتىگى "قازاقستان تەمىر جولى ۇك" اق قىزمەتىنە تەكسەرىس جۇرگىزەدى.

«سىبايلاس جەمقورلىققا قارسى ءىس-قيمىل اگەنتتىگى «قازاقستان تەمىر جولى» ۇك» اق قىزمەتىندەگى سىبايلاس جەمقورلىق تاۋەكەلدەرىنە سىرتقى تالداۋدىڭ باستالعانى تۋرالى حابارلايدى»، - دەپ جازدى اگەنتتىكتىڭ ءباسپاسوز قىزمەتى.

تالداۋدى اگەنتتىكتىڭ، ۇلتتىق كومپانيانىڭ، مۇددەلى مەملەكەتتىك ورگانداردىڭ ماماندارى جانە ازاماتتىق قوعام وكىلدەرى جۇرگىزەتىن بولادى.

تالداۋ بارىسىندا تەمىر جول سالاسىندا سىبايلاس جەمقورلىق قۇقىق بۇزۋشىلىقتاردىڭ جاسالۋ سەبەپتەرى مەن جاعدايلارى زەردەلەنەتىن بولادى، بۇل ۇلتتىق وپەراتور قىزمەتىنىڭ تيىمدىلىگىنە، بۇرىن مەملەكەتتىك بيۋدجەتتەن جانە ۇلتتىق قوردان الىنعان قاراجاتتىڭ جۇمسالۋىنا اسەر ەتەدى.

 

Abai.kz

2 پىكىر