Бейсенбі, 6 Қазан 2022
1159 2 пікір 11 Тамыз, 2022 сағат 15:08

"Қазақстан темір жолы" жұмысына тексеріс жүргізіледі

Сыбайлас жемқорлыққа қарсы іс-қимыл агенттігі "Қазақстан темір жолы ҰК" АҚ қызметіне тексеріс жүргізеді.

«Сыбайлас жемқорлыққа қарсы іс-қимыл агенттігі «Қазақстан темір жолы» ҰК» АҚ қызметіндегі сыбайлас жемқорлық тәуекелдеріне сыртқы талдаудың басталғаны туралы хабарлайды», - деп жазды агенттіктің баспасөз қызметі.

Талдауды Агенттіктің, Ұлттық компанияның, мүдделі мемлекеттік органдардың мамандары және азаматтық қоғам өкілдері жүргізетін болады.

Талдау барысында темір жол саласында сыбайлас жемқорлық құқық бұзушылықтардың жасалу себептері мен жағдайлары зерделенетін болады, бұл ұлттық оператор қызметінің тиімділігіне, бұрын мемлекеттік бюджеттен және Ұлттық қордан алынған қаражаттың жұмсалуына әсер етеді.

 

Abai.kz

2 пікір