مينيستر مەملەكەت باسشىسىنىڭ تاپسىرماسىن ورىنداۋ ءۇشىن رەسەي ۋنيۆەرسيتەتتەرىنىڭ فيليالدارى اشىلىپ جاتقانىن ايتتى. 

بۇل تۋرالى  عىلىم جانە جوعارى ءبىلىم ءمينيسترى ساياسات نۇربەك ۇكىمەت وتىرىسىندا ءمالىم ەتتى.

- الەمدىك ءبىلىم بەرۋ ستاندارتتارى مەن وزىق پراكتيكانى ءبىلىم بەرۋ پروتسەسىنە ەنگىزۋ ءۇشىن شەتەلدىك جوعارى وقۋ ورىندارىنىڭ فيليالدارى اشىلىپ جاتىر. 2021 جىلى De Montfort Leicester ۋنيۆەرسيتەتىنىڭ فيليالى اشىلدى. پەتروپاۆل قالاسىندا University of Arizona فيليالى اشىلادى. جوو-مەن ىنتىماقتاستىق شەڭبەرىندە قوس ديپلومدى ءبىلىم بەرۋ باعدارلامالارى ىسكە قوسىلادى، – دەدى ساياسات نۇربەك.

مينيستر ۋنيۆەرسيتەتتەردىڭ فيليالدارى جۇمىس ىستەۋى ءۇشىن ۇكىمەت قاۋلى قابىلداعانىن اتاپ ءوتتى.

- س.وتەباەۆ اتىنداعى اتىراۋ مۇناي جانە گاز ۋنيۆەرسيتەتىنىڭ بازاسىندا م. گۋبكين اتىنداعى رمۋ فيليالى اشىلادى. الماتى قالاسىندا ءال-فارابي اتىنداعى قازۇۋ بازاسىندا «ميفي» ۇلتتىق يادرولىق زەرتتەۋ ۋنيۆەرسيتەتىنىڭ فيليالى اشىلادى. سونداي-اق 2023 جىلى نۇر-سۇلتان قالاسىندا Michigan State University اشۋ جوسپارلانۋدا. فيليالداردىڭ جۇمىس ىستەۋى ءۇشىن ۇكىمەت قاۋلىلارى قابىلداندى. مەملەكەتتىك ءبىلىم بەرۋ تاپسىرىسى بولىنگەن، – دەدى مينيستر.

Abai.kz