قر عىلىم جانە جوعارى ءبىلىم ءمينيسترى ساياسات نۇربەك ءماجىلىس دەپۋتاتتارىنىڭ ساۋالىنا وراي بيىل مەملەكەتتىك ءبىلىم گرانتتارى ماماندىقتار بويىنشا قالاي بولىنگەندىگىن ۇسىندى.

«كەلەسى وقۋ جىلىنا مەملەكەتتىك تاپسىرىس كولەمى قر ۇكىمەتىنىڭ 2022 جىلعى 11 ناۋرىزداعى №120 قاۋلىسىمەن 88 204 گرانت بەكىتىلگەن. ونىڭ ىشىندە: باكالاۆريات - 73 061 گرانت، ماگيستراتۋرا - 13 253 گرانت جانە دوكتورانتۋرا - 1890 ورىن. وتكەن جىلمەن سالىستىرعاندا ءوسىم 16 500 گرانتتى نەمەسە 19 پايىزدى قۇرادى. ءبىر ستۋدەنتتى وقىتۋعا جۇمسالاتىن شىعىستاردىڭ قۇنى جىلىنا 1 082 مىڭ تەڭگەنى (ۆەتەريناريا) جانە 714 مىڭ تەڭگەنى (الەۋمەتتىك عىلىمدار، قىزمەتتەر جانە ت.ب.) قۇرايدى»، - دەدى مينيستر جاۋابىندا. ونىڭ دەرەگىنشە، باكالاۆريات بويىنشا مەملەكەتتىك ءبىلىم گرانتتارى بىلايشا ءبولىندى: پەداگوگيكالىق عىلىمدار - 15 273 گرانت، ونەر جانە گۋمانيتارلىق عىلىمدار – 1 615 گرانت، الەۋمەتتىك عىلىمدار، جۋرناليستيكا جانە اقپارات – 960 گرانت، بيزنەس، باسقارۋ جانە قۇقىق – 1 223 گرانت، جاراتىلىستانۋ عىلىمدارى، ماتەماتيكا جانە ستاتيستيكا – 6 988 گرانت، اقپاراتتىق-كوممۋنيكاتسيالىق تەحنولوگيالار – 12 587 گرانت، ينجەنەرلىك، وڭدەۋ جانە قۇرىلىس سالالارى - 22 728 گرانت، اۋىل شارۋاشىلىعى جانە بيورەسۋرستار – 2 195 گرانت، قىزمەتتەر – 2200, ۆەتەريناريا – 925, شەتەل ازاماتتارىن حالىقارالىق كەلىسىمدەر بويىنشا وقىتۋعا – 365 گرانت، م. ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ قازاقستاندىق فيليالىندا ستۋدەنتتەردى وقىتۋعا – 125 گرانت، شەتەلدىك جوعارى وقۋ ورىندارىنىڭ فيليالدارىندا ستۋدەنتتەردى وقىتۋعا – 200 گرانت، ماسكەۋ اۆياتسيالىق ينستيتۋتىنىڭ «ۆوسحود» فيليالىندا ستۋدەنتتەردى وقىتۋعا – 45 گرانت، «نازارباەۆ ۋنيۆەرسيتەتى» دببۇ-دا ستۋدەنتتەردى وقىتۋعا – 1 192 گرانت، جوعارى وقۋ ورىندارىنىڭ دايىندىق بولىمدەرىنىڭ تىڭداۋشىلارىن وقىتۋعا – 1 750 گرانت، «نازارباەۆ ۋنيۆەرسيتەتى» دببۇ دايىندىق بولىمىندە تىڭداۋشىلاردى وقىتۋعا – 600 گرانت، رەزەرۆكە – 100, شەتەل ازاماتتارىن، ونىڭ ىشىندە ۇلتى قازاق ادامداردى وقىتۋعا ستيپەنديالىق باعدارلاما، قازاقستان رەسپۋبليكاسىنىڭ ازاماتتارى بولىپ تابىلمايتىن تۇلعالار ءۇشىن – 490 گرانت، سەنىمدى باسقارۋداعى جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا ستۋدەنتتەردى وقىتۋعا («ماناش قوزىباەۆ اتىنداعى سولتۇستىك قازاقستان ۋنيۆەرسيتەتى» كەاق) – 1 500 گرانت.

Abai.kz