بۇل كۇندەرى بىرىككەن اراب امىرلىگىنىڭ دۋباي قالاسىندا سۋ سپورتىنان ازيا چەمپيوناتى ءوتىپ جاتىر. وعان سارى قۇرلىقتىڭ بەلدى كوماندالارىنىڭ بارلىعى قاتىسۋدا.

سۋ دوبىنان ەرلەر سايىسىندا 9 مەملەكەتتىڭ وكىلدەرى ەكى توپقا ءبولىنىپ كۇش سىناسۋدا. «ۆ» توبىنداعى قازاقستان قۇراماسى تۇساۋكەسەر كەزدەسۋدە جاپونيا ۆاتەر­پول­شىلارىمەن شەبەرلىك سىناستى. وتە شيەلەنىستى وتكەن ويىندا جەرلەستەرىمىز ءبىر عانا دوپ ايىرماشىلىعىمەن جەڭىسكە جەتتى. ەسەپ - 10:9. ءبىر ايتا كەتەرلىگى- ءبىزدىڭ كوماندا ساپىنداعى رۋستام ۋكۋمانوۆ بەس رەت قارسىلاستار قاقپاسىن ءدال كوزدەپ، مەرگەندەر كوشىن باستادى. ءسويتىپ، ازيا چەم­پيوناتىنداعى باستى قارسى­لاس­تارىمىزدىڭ بىرىنەن باسىم تۇستىك. ەندى وزگە باسەكەلەردى ءدال وسىنداي دەڭگەيدە وتكىزسەك، التىن تۇعىرعا كوتەرىلۋىمىز وڭاي بولارى حاق. وسى توپتاعى تاعى ءبىر باسەكە تايلاند پەن گونكونگ قۇرامالارى اراسىندا ءوتىپ، ال­عاشقىلارىنىڭ مەرەيى ۇستەم بولدى - 12:4. كەلەسى توپتاعى كەزدەسۋلەردىڭ ناتيجەلەرى مىناداي: ساۋد ارابياسى - وزبەكستان 8:4, قىتاي - شري-لانكا 26:2. 
ايەلدەر باسەكەسىندە دە جەرلەستەرىمىز جەرگە قاراتقان جوق. العاشقى اينالىمدا قازاقستان قۇراماسى گونكونگ كومانداسىن 34:0 ەسەبىمەن ويسىراتا ۇتتى. بۇل ويىندا كوماندا كاپيتانى اسەل جاقاەۆا التى دوپتىڭ اۆتورى اتاندى.

بۇل كۇندەرى بىرىككەن اراب امىرلىگىنىڭ دۋباي قالاسىندا سۋ سپورتىنان ازيا چەمپيوناتى ءوتىپ جاتىر. وعان سارى قۇرلىقتىڭ بەلدى كوماندالارىنىڭ بارلىعى قاتىسۋدا.

سۋ دوبىنان ەرلەر سايىسىندا 9 مەملەكەتتىڭ وكىلدەرى ەكى توپقا ءبولىنىپ كۇش سىناسۋدا. «ۆ» توبىنداعى قازاقستان قۇراماسى تۇساۋكەسەر كەزدەسۋدە جاپونيا ۆاتەر­پول­شىلارىمەن شەبەرلىك سىناستى. وتە شيەلەنىستى وتكەن ويىندا جەرلەستەرىمىز ءبىر عانا دوپ ايىرماشىلىعىمەن جەڭىسكە جەتتى. ەسەپ - 10:9. ءبىر ايتا كەتەرلىگى- ءبىزدىڭ كوماندا ساپىنداعى رۋستام ۋكۋمانوۆ بەس رەت قارسىلاستار قاقپاسىن ءدال كوزدەپ، مەرگەندەر كوشىن باستادى. ءسويتىپ، ازيا چەم­پيوناتىنداعى باستى قارسى­لاس­تارىمىزدىڭ بىرىنەن باسىم تۇستىك. ەندى وزگە باسەكەلەردى ءدال وسىنداي دەڭگەيدە وتكىزسەك، التىن تۇعىرعا كوتەرىلۋىمىز وڭاي بولارى حاق. وسى توپتاعى تاعى ءبىر باسەكە تايلاند پەن گونكونگ قۇرامالارى اراسىندا ءوتىپ، ال­عاشقىلارىنىڭ مەرەيى ۇستەم بولدى - 12:4. كەلەسى توپتاعى كەزدەسۋلەردىڭ ناتيجەلەرى مىناداي: ساۋد ارابياسى - وزبەكستان 8:4, قىتاي - شري-لانكا 26:2. 
ايەلدەر باسەكەسىندە دە جەرلەستەرىمىز جەرگە قاراتقان جوق. العاشقى اينالىمدا قازاقستان قۇراماسى گونكونگ كومانداسىن 34:0 ەسەبىمەن ويسىراتا ۇتتى. بۇل ويىندا كوماندا كاپيتانى اسەل جاقاەۆا التى دوپتىڭ اۆتورى اتاندى.

ەڭ ۇزدىك قاقپاشى كىم؟
فيفا (حالىقارالىق فۋتبول قاۋىمداستىعى) بيىلعى جىلدىڭ ەڭ ۇزدىك قاقپاشىلارىن انىقتاۋعا كىرىستى. قازىرگى كەزدە «جۇزدەن - جۇيرىك» شىققان بەس ۇمىتكەردىڭ ەسىمى اتالدى.

ولار - يتاليالىق دجانلۋيدجي بۋففون («يۋۆەنتۋس» تۋرين), چەحيالىق پەتر چەح («چەلسي» لوندون), ۇلىبريتانيالىق دجو حارت («مانچەستەر يۋنايتەد» مانچەستەر), گەرمانيالىق مانۋەل نويەر («باۆاريا» ميۋنحەن) جانە يسپانيالىق يكەر كاسيلياس («رەال» مادريد). ساراپشىلاردىڭ پىكىرىنشە، بۇگىنگى تاڭداعى ەڭ ۇزدىك قاقپاشىلار وسىلار. بۇل ۋاجبەن جانكۇيەرلەر دە كەلىسەدى دەپ ويلايمىز. سەبەبى، جوعارىدا ەسىمدەرى اتالعان بەس جىگىت وزدەرىنىڭ ورەلى ونەرىمەن كوپشىلىك جۇرەگىن جاۋلاپ ۇلگەردى. ولار ەۋروپاداعى ەڭ بەلدى دەگەن كوماندالار ساپىندا ويناپ، اركەز اسقان شەبەرلىك تانىتۋدا. دەسەك تە، تاڭداۋ تەك بىرەۋىنە عانا ءتۇسۋى كەرەك. ال كىمنىڭ «مىڭنان- تۇلپار» شىعاتىنى 7 قاڭتار كۇنى شۆەيتساريانىڭ تسيۋريح قالاسىندا انىقتالادى.

جارايسىڭ، جانسايا!
سلوۆەنيانىڭ ماريبور قالاسىندا شاحماتتان جاسوسپىرىمدەر اراسىنداعى الەم بىرىنشىلىگى اياقتالدى. بىرنەشە جاس ەرەكشەلىكتەرى بويىنشا وتكەن باسەكەدە قازاقستاندىقتار دا باق سىنادى.

12 جاسقا دەيىنگى بۇلدىرشىندەر اراسىنداعى جارىس بارىسىندا ەلىمىزدىڭ ماقتانىشى جانسايا ابدىمالىك بۇل جولى دا ورەلى ونەرىمەن كوپشىلىكتىڭ قوشەمەتىنە يە بولدى. بۇعان دەيىن دە تالاي بايراقتى باسەكەدە توپ جارعان قانداسىمىز سلوۆەنيادا 8,5 ۇپاي جيىپ، كۇمىس مەدالدى موينىنا ءىلدى. جانسايا تەك ۇندىستاندىق ۆايشاليدەن عانا قالىپ قويدى. 
16 جاسقا دەيىنگى ۇمىتكەرلەر سايىسىندا دينارا سادۋاقاسوۆا ءتورتىنشى ورىنعا تابان تىرەدى. نەگىزى دينارا جانە قىتايلىق سياو ي ي بىردەي ۇپاي جيعان ەدى. ەكەۋىنىڭ دە 8,5 ۇپايدان ەنشىلەدى. بىراق جەرلەسىمىزگە قاراعاندا اسپاناستى ەلى وكىلىنىڭ قوسىمشا كورسەتكىشتەرى ءتاۋىر بولىپ، قولا مەدال سول سپورتشىعا بۇيىردى. باس جۇلدەنى رەسەيلىك اننا ستياجكينا ولجالاسا، ونىڭ وتانداسى پولينا روديونوۆا كۇمىس مەدالدى يەلەندى. ولار 9 ۇپايدان جيدى. سونداي-اق الەم بىرىنشىلىگىنە قاتىسقان تاعى ءۇش شاحماتشىمىز العاشقى وندىققا ەندى. 8 جاسقا دەيىنگىلەر باسەكەسىندە ءبيبىسارا اساۋباەۆا 10 ورىندى، 10 جاسقا دەيىنگىلەر سايىسىندا اسەل سەرىكباي 7 ورىندى، ال 14 جاسقا دەيىنگى ۇلدار اراسىندا شەبەرلىك بايقاسقان جانات سايىن 4 ورىندى قاناعات ەتتى.

ءتول ونەرىمىزدىڭ تۇعىرى بيىك
16-18 جەلتوقسان ارالىعىندا قاراعاندى قالاسىندا قازاق كۇرەسىنەن الەم كۋبوگى مەن ازيا چەم­پيوناتى وتەدى.

سەرىك توكەەۆ باسشىلىق ەتەتىن دۇنيەجۇزىلىك قازاق كۇرەسى فەدەراتسياسى سوڭعى جىلدارى كوپتەگەن اۋقىمدى شارۋالار اتقارعانى بارشاعا ءمالىم. ەڭ باستىسى، ءتول ونەرىمىزدى سەرىك ەتكەندەر اراسىندا ءىرى جارىستار ءجيى ۇيىم­داستىرىلىپ ءجۇر. ءتۇرلى جاس ەرەك­شەلىكتەرى بويىنشا الەم، ازيا جانە ەۋروپا چەمپيوناتتارىمەن قاتار، باسقا دا بايراقتى باسەكەلەر ۇزدىكسىز ءوتىپ كەلەدى. بۇل جارىستار تەك ەل اۋماعىندا ەمەس، وزگە قۇرلىقتاردا دا ءوز جالاۋىن جەلبىرەتۋدە. ماسەلەن، قاراعاندى قالاسىندا العاشقى كۇنى الەم كۋبوگىنىڭ جۇلدەلەرى ساراپقا سالىنسا، كەلەسى كۇنى سارى قۇرلىق بىرىنشىلىگى وتەدى. وعان ءۇندىستان، رەسەي، گەرمانيا، لاتۆيا، ليتۆا، ارمەنيا، تاجىكستان، موڭعوليا، قىتاي، وزبەكستان، يران، قىرعىزستان، بەلارۋس، پولشا، ەستونيا، سلوۆاكيا، يراك، يەمەن، پالەستينا، پاكستان، گرە­كيا، تۇركيا جانە ۋكراينا قۇرامالارى قاتىسادى. سونداي-اق وڭتۇستىك امەريكا مەن افريكادان دا بەلدى بالۋاندار كەلەدى دەپ كۇتىلۋدە. ءبىر سوزبەن ايتساق، بۇل ناعىز «جان الىسىپ، جان بەرىسكەن» ايقاسقا تولى باسەكە بولماق.

وليۆا كەلدى
وليۆانىڭ ەسىمى جانكۇيەرلەرگە جاقسى تانىس. يتاليالىق بوكسشى كوپتەگەن حالىقارالىق جارىستاردا توپ جارعان. 1980 جىلى ماسكەۋدە الاۋى تۇتانعان وليمپيادا ويىندارىندا باس جۇلدەنى ولجالادى.

اقتىق ايقاستا ول ءبىزدىڭ سەرىك قوناقباەۆتان باسىم ءتۇستى. نەگىزى بۇل باسەكە تەڭ دارەجەدە وتكەن. تىپتەن كوپشىلىك قازاق بوكسشىسى جەڭدى دەپ ويلادى. الايدا سەرىك سول كەزدە كسرو تاراپىنان جۇرگىزىلگەن سولاقاي ساياساتتىڭ قۇربانى بولدى. ولاي دەۋگە نەگىز، سول كەزدە بىرقاتار كاپيتاليستىك باعىتتاعى مەملەكەتتەر ماسكەۋدەگى ويىندارعا بايقوت جاريالاعان بولاتىن. سولاردىڭ ءبىرى - يتاليا. الايدا ەل باسقارىپ وتىرعان ازاماتتاردىڭ بۇل شەشىمىنە قۇلاق اسپاعان اپپەنين تۇبەگىنىڭ بىرقاتار تۇلەكتەرى ماسكەۋدى بەتكە الدى. سونى ەسكەرگەن كسرو-نىڭ سپورت باسشىلارى سول مەملەكەتتىڭ كەيبىر سپورتشىلارىنا جەڭىلدىك جاسادى. سولاردىڭ اراسىندا وليۆا دا بار. ول وليمپيادا چەمپيونى اتانىپ قانا قويماي، ەڭ ۇزدىك بوكسشىعا تيەسىلى باركەر كۋبوگىن دا ولجالادى. 
بىراق سەرىك پەن پاتريتسيو رينگتە سىرالعى قارسىلاس بولعانىمەن، قا­راپايىم ومىردە جاقسى دوستار. سول سەبەپتى دە وليمپيادا ويىندارىنىڭ جەڭىمپازى تاياۋدا الماتىعا ارنايى ات باسىن بۇردى. وليۆا وسى ساپار با­رىسىندا قازاقستانمەن جاقىنىراق تانىسىپ، ول جەرگىلىكتى بىلعارى قولعاپ شەبەرلەرىنىڭ باسىن قوسىپ، رەسپۋبليكالىق سپورت كوللەدجىنىڭ بوكس زالىندا اشىق جاتتىعۋ وتكىزبەك. 

دايىنداعان - عالىم سۇلەيمەن

«ايقىن» گازەتى