Búl kýnderi Birikken Arab Ámirligining Dubay qalasynda su sportynan Aziya chempionaty ótip jatyr. Oghan sary qúrlyqtyng beldi komandalarynyng barlyghy qatysuda.

Su dobynan erler sayysynda 9 memleketting ókilderi eki topqa bólinip kýsh synasuda. «V» tobyndaghy Qazaqstan qúramasy túsaukeser kezdesude Japoniya vater­pol­shylarymen sheberlik synasty. Óte shiyelenisti ótken oiynda jerlesterimiz bir ghana dop aiyrmashylyghymen jeniske jetti. Esep - 10:9. Bir aita keterligi- bizding komanda sapyndaghy Rustam Ukumanov bes ret qarsylastar qaqpasyn dәl kózdep, mergender kóshin bastady. Sóitip, Aziya chem­pionatyndaghy basty qarsy­las­tarymyzdyng birinen basym týstik. Endi ózge bәsekelerdi dәl osynday dengeyde ótkizsek, altyn túghyrgha kóteriluimiz onay bolary haq. Osy toptaghy taghy bir bәseke Tailand pen Gonkong qúramalary arasynda ótip, al­ghashqylarynyng mereyi ýstem boldy - 12:4. Kelesi toptaghy kezdesulerding nәtiyjeleri mynaday: Saud Arabiyasy - Ózbekstan 8:4, Qytay - Shriy-Lanka 26:2. 
Áyelder bәsekesinde de jerlesterimiz jerge qaratqan joq. Alghashqy ainalymda Qazaqstan qúramasy Gonkong komandasyn 34:0 esebimen oisyrata útty. Búl oiynda komanda kapitany Ásel Jaqaeva alty doptyng avtory atandy.

Búl kýnderi Birikken Arab Ámirligining Dubay qalasynda su sportynan Aziya chempionaty ótip jatyr. Oghan sary qúrlyqtyng beldi komandalarynyng barlyghy qatysuda.

Su dobynan erler sayysynda 9 memleketting ókilderi eki topqa bólinip kýsh synasuda. «V» tobyndaghy Qazaqstan qúramasy túsaukeser kezdesude Japoniya vater­pol­shylarymen sheberlik synasty. Óte shiyelenisti ótken oiynda jerlesterimiz bir ghana dop aiyrmashylyghymen jeniske jetti. Esep - 10:9. Bir aita keterligi- bizding komanda sapyndaghy Rustam Ukumanov bes ret qarsylastar qaqpasyn dәl kózdep, mergender kóshin bastady. Sóitip, Aziya chem­pionatyndaghy basty qarsy­las­tarymyzdyng birinen basym týstik. Endi ózge bәsekelerdi dәl osynday dengeyde ótkizsek, altyn túghyrgha kóteriluimiz onay bolary haq. Osy toptaghy taghy bir bәseke Tailand pen Gonkong qúramalary arasynda ótip, al­ghashqylarynyng mereyi ýstem boldy - 12:4. Kelesi toptaghy kezdesulerding nәtiyjeleri mynaday: Saud Arabiyasy - Ózbekstan 8:4, Qytay - Shriy-Lanka 26:2. 
Áyelder bәsekesinde de jerlesterimiz jerge qaratqan joq. Alghashqy ainalymda Qazaqstan qúramasy Gonkong komandasyn 34:0 esebimen oisyrata útty. Búl oiynda komanda kapitany Ásel Jaqaeva alty doptyng avtory atandy.

Eng ýzdik qaqpashy kim?
FIFA (Halyqaralyq futbol qauymdastyghy) biylghy jyldyng eng ýzdik qaqpashylaryn anyqtaugha kiristi. Qazirgi kezde «jýzden - jýirik» shyqqan bes ýmitkerding esimi ataldy.

Olar - italiyalyq Djanluydjy Buffon («yventus» Turiyn), chehiyalyq Petr Cheh («Chelsi» London), úlybritaniyalyq Djo Hart («Manchester Yunayted» Manchester), germaniyalyq Manueli Noyer («Bavariya» Munhen) jәne ispaniyalyq IYker Kasiliyas («Real» Madriyd). Sarapshylardyng pikirinshe, býgingi tandaghy eng ýzdik qaqpashylar osylar. Búl uәjben jankýierler de kelisedi dep oilaymyz. Sebebi, jogharyda esimderi atalghan bes jigit ózderining óreli ónerimen kópshilik jýregin jaulap ýlgerdi. Olar Europadaghy eng beldi degen komandalar sapynda oinap, әrkez asqan sheberlik tanytuda. Desek te, tandau tek bireuine ghana týsui kerek. Al kimning «mynnan- túlpar» shyghatyny 7 qantar kýni Shveysariyanyng Surih qalasynda anyqtalady.

Jaraysyn, Jansaya!
Sloveniyanyng Maribor qalasynda shahmattan jasóspirimder arasyndaghy әlem birinshiligi ayaqtaldy. Birneshe jas erekshelikteri boyynsha ótken bәsekede qazaqstandyqtar da baq synady.

12 jasqa deyingi býldirshinder arasyndaghy jarys barysynda elimizding maqtanyshy Jansaya Ábdimәlik búl joly da óreli ónerimen kópshilikting qoshemetine ie boldy. Búghan deyin de talay bayraqty bәsekede top jarghan qandasymyz Sloveniyada 8,5 úpay jiyp, kýmis medalidi moynyna ildi. Jansaya tek ýndistandyq Vayshaliyden ghana qalyp qoydy. 
16 jasqa deyingi ýmitkerler sayysynda Dinara Sәduaqasova tórtinshi oryngha taban tiredi. Negizi Dinara jәne qytaylyq Syao Y Y birdey úpay jighan edi. Ekeuining de 8,5 úpaydan enshiledi. Biraq jerlesimizge qaraghanda Aspanasty eli ókilining qosymsha kórsetkishteri tәuir bolyp, qola medali sol sportshygha búiyrdy. Bas jýldeni reseylik Anna Styajkina oljalasa, onyng otandasy Polina Rodionova kýmis medalidi iyelendi. Olar 9 úpaydan jidy. Sonday-aq әlem birinshiligine qatysqan taghy ýsh shahmatshymyz alghashqy ondyqqa endi. 8 jasqa deyingiler bәsekesinde Biybisara Asaubaeva 10 oryndy, 10 jasqa deyingiler sayysynda Ásel Serikbay 7 oryndy, al 14 jasqa deyingi úldar arasynda sheberlik bayqasqan Janat Sayyn 4 oryndy qanaghat etti.

Tól ónerimizding túghyry biyik
16-18 jeltoqsan aralyghynda Qaraghandy qalasynda qazaq kýresinen әlem kubogy men Aziya chem­pionaty ótedi.

Serik Tókeev basshylyq etetin Dýniyejýzilik qazaq kýresi federasiyasy songhy jyldary kóptegen auqymdy sharualar atqarghany barshagha mәlim. Eng bastysy, tól ónerimizdi serik etkender arasynda iri jarystar jii úiym­dastyrylyp jýr. Týrli jas erek­shelikteri boyynsha әlem, Aziya jәne Europa chempionattarymen qatar, basqa da bayraqty bәsekeler ýzdiksiz ótip keledi. Búl jarystar tek el aumaghynda emes, ózge qúrlyqtarda da óz jalauyn jelbiretude. Mәselen, Qaraghandy qalasynda alghashqy kýni әlem kubogynyng jýldeleri sarapqa salynsa, kelesi kýni sary qúrlyq birinshiligi ótedi. Oghan Ýndistan, Resey, Germaniya, Latviya, Litva, Armeniya, Tәjikstan, Mongholiya, Qytay, Ózbekstan, Iran, Qyrghyzstan, Belarusi, Polisha, Estoniya, Slovakiya, Irak, Yemen, Palestina, Pәkstan, Gre­kiya, Týrkiya jәne Ukraina qúramalary qatysady. Sonday-aq Ontýstik Amerika men Afrikadan da beldi baluandar keledi dep kýtilude. Bir sózben aitsaq, búl naghyz «jan alysyp, jan berisken» aiqasqa toly bәseke bolmaq.

Oliva keldi
Olivanyng esimi jankýierlerge jaqsy tanys. Italiyalyq boksshy kóptegen halyqaralyq jarystarda top jarghan. 1980 jyly Mәskeude alauy tútanghan Olimpiada oiyndarynda bas jýldeni oljalady.

Aqtyq aiqasta ol bizding Serik Qonaqbaevtan basym týsti. Negizi búl bәseke teng dәrejede ótken. Tipten kópshilik qazaq boksshysy jendi dep oilady. Alayda Serik sol kezde KSRO tarapynan jýrgizilgen solaqay sayasattyng qúrbany boldy. Olay deuge negiz, sol kezde birqatar kapitalistik baghyttaghy memleketter Mәskeudegi oiyndargha bayqot jariyalaghan bolatyn. Solardyng biri - Italiya. Alayda el basqaryp otyrghan azamattardyng búl sheshimine qúlaq aspaghan Appenin týbegining birqatar týlekteri Mәskeudi betke aldy. Sony eskergen KSRO-nyng sport basshylary sol memleketting keybir sportshylaryna jenildik jasady. Solardyng arasynda Oliva da bar. Ol Olimpiada chempiony atanyp qana qoymay, eng ýzdik boksshygha tiyesili Barker kubogyn da oljalady. 
Biraq Serik pen Patrisio ringte syralghy qarsylas bolghanymen, qa­rapayym ómirde jaqsy dostar. Sol sebepti de Olimpiada oiyndarynyng jenimpazy tayauda Almatygha arnayy at basyn búrdy. Oliva osy sapar ba­rysynda Qazaqstanmen jaqynyraq tanysyp, ol jergilikti bylghary qolghap sheberlerining basyn qosyp, respublikalyq sport kolledjining boks zalynda ashyq jattyghu ótkizbek. 

Dayyndaghan - Ghalym SÝLEYMEN

«Ayqyn» gazeti