تۇركسىب اۋدانىندا سالىنىپ جاتقان ەكى مەكتەپتىڭ قۇرىلىسى جەلتوقسان ايىندا اياقتالادى.

قالا اكىمى ەربولات دوساەۆتىڭ ايتۋىنشا، قازىرگى كۇنى الماتىنىڭ تۇركسىب اۋدانىندا مەكتەپتەر مەن بالاباقشالارداعى ورىن تاپشىلىعى جيىنتىقتا 4,2 مىڭ ورىندى قۇرايدى (1,5 مىڭ - مەكتەپ، 2,7 مىڭ – مەكتەپكە دەيىنگى ۇيىمدار). ورىن تاپشىلىعىن ازايتۋ ماقساتىندا ءبىلىم بەرۋ ۇيىمدارىن سالۋ جانە جوندەۋ جوبالارى ىسكە اسىرىلىپ جاتىر.

«2022 جىلدىڭ جەلتوقسان ايىندا قايرات شاعىناۋدانىنداعى 1500 ورىندىق مەكتەپ پەن ۆولوچاەۆسكايا كوشەسىندەگى 300 ورىندىق جەكە مەنشىك مەكتەپتىڭ قۇرىلىسىن اياقتاۋ جوسپارلانعان. بۇل قازىرگى ورىن تاپشىلىعىن تولىعىمەن شەشەدى. وسى جىلدىڭ 3-توقسانىندا № 59 مەكتەپ-گيمنازيانىڭ جاڭا عيماراتىن سالۋ باستالادى. 1939 جىلى سالىنعان ەسكى عيمارات بۇزىلادى. جىلدىڭ سوڭىنا دەيىن جاس قانات شاعىناۋدانىندا 280 ورىندىق بالاباقشانىڭ قۇرىلىس جۇمىستارى قايتا باستالادى»، - دەدى قالا اكىمى.

ەربولات دوساەۆتىڭ ايتۋىنشا، 2023 جىلى قايرات شاعىناۋدانىنداعى 260 ورىندىق بالاباقشانىڭ قۇرىلىس جۇمىستارى اياقتالادى.

Abai.kz