جۇما, 12 تامىز 2022
بيلىك 2640 5 پىكىر 1 شىلدە, 2022 ساعات 13:02

دەپۋتاتتار دەمالىسقا كەتتى: ولار نە ىستەدى؟

قر پارلامەنتى ءماجىلىسىنىڭ توراعاسى ەرلان قوشانوۆ پارلامەنتتىڭ VII شاقىرىلىنىڭ II سەسسياسىن قورىتىندىلادى. دەپۋتاتتار جازعى دەمالىسقا كەتتى. 

قوشانوۆتىڭ ايتۋىنشا، وتكەن پارلامەنتتىك قىزمەت ماڭىزدى وقيعالار مەن اۋقىمدى شەشىمدەرگە تولى بولدى.

«بىرىنشىدەن، بيىلعى سەسسيا قر تاۋەلسىزدىگىنىڭ 30 جىلدىعىمەن تۇسپا-تۇس كەلدى. بۇل ەلىمىزدىڭ باستى مەملەكەتتىك مەرەكەسى عانا ەمەس، سونداي-اق بارشا قازاقستاندىقتاردى بىرىكتىرەتىن ۇلتتىق تاريحىمىزدىڭ ماڭىزدى كەزەڭى.

ەكىنشىدەن، تاۋەلسىزدىكتىڭ 30 جىلدىعىنىڭ ماڭىزدى كەزەڭدەرىنىڭ ءبىرى رەتىندە قر پارلامەنتىنىڭ 25 جىلدىق مەرەيتويىن اتايمىز. پارلامەنتتىڭ قالىپتاسۋى مەن دامۋى تاۋەلسىز قازاقستاننىڭ تاعدىرىمەن تىعىز بايلانىستى. ۇشىنشىدەن، كونستيتۋتسياعا ەنگىزىلەتىن تۇزەتۋلەر بويىنشا رەسپۋبليكالىق رەفەرەندۋم ەلىمىزدىڭ دامۋىنداعى جاڭا كەزەڭنىڭ باستالۋىن بىلدىرەدى، - دەدى ءماجىلىس سپيكەرى.

قوشانوۆ وسى سەسسيانىڭ قوعامداعى كۇردەلى ءارى جاۋاپتى كەزەڭمەن تۇستاس بولعانىن اتاپ ءوتتى.

«بۇل كەزەڭدە ءماجىلىستىڭ 42 جالپى وتىرىسى ءوتىپ، وندا 271 ماسەلە قارالدى. پالاتانىڭ قاراۋىندا 127 زاڭ جوباسى بولدى، ونىڭ 75-ءى ماقۇلدانىپ، سەناتقا جىبەرىلدى. سونىڭ ىشىندە، دەپۋتاتتىق كورپۋس باستاماشىلىق ەتكەن 27 زاڭ جوباسىمەن جۇمىس ىستەدى. بۇل پالاتانىڭ قاراۋىنا ەنگىزىلگەن زاڭ جوبالارى سانىنىڭ  21 پايىزىن قۇرايدى. ماقۇلدانعان زاڭ جوبالارى، ءبىرىنشى كەزەكتە، مەملەكەت باسشىسىنىڭ تاپسىرمالارىن ىسكە اسىرۋعا باعىتتالعان»، - دەدى ءماجىلىس توراعاسى.

اتاپ ايتقاندا، پارلامەنت:

- «رەسپۋبليكالىق رەفەرەندۋم تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋ ەنگىزۋ تۋرالى»،

- «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءولىم جازاسىن جويۋ ماسەلەسى بويىنشا وزگەرىستەر مەن تولىقتىرۋ ەنگىزۋ تۋرالى»،

- «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى»،

- «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»،

- «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە قارجىلىق (ينۆەستيتسيالىق) پيراميدالاردىڭ قىزمەتىنە قارسى ءىس-قيمىل ماسەلەلەرى بويىنشا تولىقتىرۋ ەنگىزۋ تۋرالى» (دەپۋتاتتاردىڭ باستاماسى) زاڭداردى قابىلدادى.

12 زاڭ جوباسىن سەنات ماجىلىسكە قايتاردى، 66 زاڭ جوباسىنا مەملەكەت باسشىسى قول قويدى.

سونىمەن قاتار پالاتا سپيكەرى ءماجىلىس دەپۋتاتتارى مەملەكەتتىك ورگاندارداعى لاۋازىمدى تۇلعالاردىڭ اتىنا 355 دەپۋتاتتىق ساۋال جولداعانىن اتاپ ءوتتى. دەپۋتاتتىق ساۋالداردا كاسىپكەرلىكتى قورعاۋ، بانك قىزمەتى، سالىق ساياساتى، دەنساۋلىق ساقتاۋ جانە ءبىلىم بەرۋ، حالىقتى الەۋمەتتىك قورعاۋ، اۋىل شارۋاشىلىعىن دامىتۋ، تۇرعىن ءۇي-كوممۋنالدىق شارۋاشىلىعى، كولىك، بالا قۇقىقتارىن قورعاۋ، جاستار ساياساتىن ىسكە اسىرۋ ماسەلەلەرى كوتەرىلدى.

Abai.kz

5 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2102
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2025
ادەبيەت

ءتۇس

ەرعالي باقاش 1711
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2747