سەنبى, 13 تامىز 2022
دەپ جاتىر 3647 7 پىكىر 28 ماۋسىم, 2022 ساعات 15:29

بەلارۋستار: قازاقتار تۋرالى ابايلاپ سويلەۋ كەرەك!

بەلارۋس مەملەكەتىنىڭ «پو سۋششەستۆۋ» اتتى تەلەباعدارلاماسىندا ساراپشىلار بەلارۋس پەن قازاقستاننىڭ قارىم-قاتىناسى مەن وداقتاستىعى تۋرالى تالقى وتكىزدى.

«قازاقستان قىتاي مەن رەسەيدىڭ ورتاسىندا ورنالاسقان. امەريكا قايدا جاتىر؟ امەريكا ەكىنشى جارتى شاردا جاتىر. ولار جۇگىرىپ كەلىپ كومەكتەسەدى دەپ ويلايسىز با؟ كومەكتەسپەيدى. امەريكا قازاقستاندى ەكىنشى اۋعانستانعا اينالدىرعىسى كەلەدى. ءبىز مۇنى ءتۇسىنۋىمىز كەرەك»،- دەدى ساياساتتانۋشى پەتر پەتروۆسكي.

بەلارۋس ۇلتتىق پالاتاسىنىڭ دەپۋتاتى ولەگ گايدۋكەۆيچ بەلارۋس پەن قازاقستاننىڭ ءوزارا ىنتىماقتاستىعى وتە ماڭىزدى ەكەنىن ايتتى.

«ءبىز ءبىر نارسەنى ەستەن شىعارماۋىمىز كەرەك. بەلارۋستىڭ قازاقستانمەن جاقسى قارىم-قاتىناستا بولۋى وتە ماڭىزدى. بەلارۋس تە، رەسەي دە اباي بولۋى كەرەك»، - دەدى ول.

«قازاقستانعا قاتىستى سوزدەردى ابايلاپ ايتۋى قاجەت»، - دەگەن گايدۋكەۆيچتىڭ ويىن بەلارۋس ۇلتتىق پالاتاسى تۇراقتى كوميسسياسىنىڭ توراعاسى يگور مارزاليۋك تە جالعاستىردى.

«بۇل ءبىز مۇلدە سىناماۋىمىز كەرەك دەگەن ءسوز ەمەس. بىراق، بەلارۋس پەن رەسەيدى قازاقستانمەن ارازداستىرعىسى كەلەتىندەر بار ەكەنىن ۇمىتپاۋىمىز كەرەك. بۇل كەيبىرەۋدىڭ ارمانى. ءتىپتى، الداعى ۋاقىتتا دا ارام نيەتىن ىسكە اسىرۋعا تىرىساتىنىن جوققا شىعارمايمىن»، - دەدى گايدۋكەۆيچ

مارزاليۋك ارىپتەستەرىن قازاقستاننىڭ سىرتقى ساياساتى تۋرالى سىرتتان تون پىشپەۋگە شاقىردى.

«قازاقستان پرەزيدەنتى ءۇشىن قازاقستاننىڭ سىرتقى ساياساتىن انىقتاۋ ءبىزدىڭ ءىس ەمەس. ءبىر نارسەنى ويدا ۇستاۋ كەرەك. ءار ەل ءوزىنىڭ گەوساياسي جاعدايىنا قاراي كۇن ءتارتىبىن قالىپتاستىرادى جانە قايسى سەرىكتەستىڭ ەكىنشىسىنەن ماڭىزدىراق ەكەنىن ۇمىتپايدى. قازاقستان ءۇشىن قىتاي وتە ماڭىزدى سەرىكتەستىڭ ءبىرى. حالىقارالىق قۇقىق دەگەن تۇسىنىك بار.

ەگەر ءبىز قىلمىستىق پسيحولوگيانى قولداساق، ياعني، بىرەۋ-بىرەۋدىڭ ءاميانىن قاعىپ كەتسە، بىزدە سونى قايتالاساق، وندا بۇل قۇردىمعا كەتۋ دەگەندى بىلدىرەدى. مەنىڭ ويىمشا، ءبىز ءبارىبىر حالىقارالىق قۇقىقتىڭ بازالىق، ىرگەلى ۇعىمى، ونىڭ ىشىندە مەملەكەتتىڭ اۋماقتىق تۇتىستىعى، ەگەمەندىگى دەگەن تۇسىنىككە قايتا ورالامىز. ولاي بولماسا، ءبىزدىڭ بارار جەرىمىز، باسار تاۋىمىز قالمايدى. قازاقستانعا، قازاقتارعا كەلەر بولسا، بۇل وتە كۇردەلى ەل. ءبىز ولارمەن ادامي، تەڭ قارىم-قاتىناستا بولۋىمىز كەرەك. ءبىزدىڭ قازاقستانمەن وتە جاقسى بايلانىستامىز. ۇقشۇ-نىڭ شەرۋ كەزىندە نە ىستەگەنىن قازاقستار ەشقاشان ۇمىتپايدى. بىزگە اباي بولۋ كەرەك»، - دەدى مارزاليۋك.

ايجان تەمىرحان

Abai.kz

7 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2210
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2044
ادەبيەت

ءتۇس

ەرعالي باقاش 1727
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2778