ءماجىلىس دەپۋتاتتارى عالىمجان ەلەۋوۆ، امانعالي بەردالين «قازاقتەلەكوم» اق اقتوبە وبلىستىق فيليالى ۇجىمىمەن كەزدەستى. وندا ەلىمىز تۇبەگەيلى وزگەرىستەردىڭ الدىندا تۇرعانىن ايتىپ،  ونىڭ نەگىزگى قوزعاۋشى كۇشى — كونستيتۋتسيالىق رەفورمالار ەكەنىن ايتتى.

– ءبىز ەڭبەك ۇجىمدارىمەن مەديتسينا، مادەنيەت قىزمەتكەرلەرىمەن جانە پەداگوگتارمەن كەزدەسۋدەمىز. ماقساتىمىز كونستيتۋتسياعا ەنگىزىلەتىن وزگەرىستەر مەن تولىقتىرۋلاردى ءتۇسىندىرۋ. الداعى كونستيتۋتسيالىق رەفورما بيلىك تارماقتارى اراسىنداعى قارىم-قاتىناس تەڭگەرىمىن وڭتايلاندىرادى. حالىقتىڭ ەلدى باسقارۋعا قاتىسۋىن كەڭەيتەدى، ازاماتتاردىڭ كونستيتۋتسيالىق قۇقىقتارىن قورعاۋدى كۇشەيتەدى. ءبىزدىڭ ارقايسىمىز وسى مۇمكىندىكتى پايدالانۋىمىز كەرەك، – دەدى عالىمجان ەلەۋوۆ.

امانعالي بەرداليننىڭ پىكىرىنشە وسىنداي كەزدەسۋلەردەن پرەزيدەنتتىڭ ساياساتى مەن رەفورمالارىنا دەگەن حالىقتىڭ قولداۋى ايقىن كورىنەدى. بۇل مەملەكەتتىڭ ادىلەتتى قازاقستان قۇرۋداعى باعىتىنىڭ دۇرىستىعىنىڭ جارقىن كورىنىسى.

– كونستيتۋتسياعا ەنگىزىلەتىن وزگەرىستىڭ ىشىندە ەلىمىزدىڭ سۋپەرپرەزيدەنتتىك باسقارۋدان تۇبەگەيلى باس تارتىپ، پرەزيدەنتتىك رەسپۋبليكا مودەلىنە ءوتۋى، بارلىق پارتيالارعا تەڭ مۇمكىندىك اشىلۋى، دەموكراتيالىق قوعامنىڭ كۇشەيۋى، ەلدى جاڭا كەزەڭگە ءوتۋىنىڭ كەپىلى دەپ بىلەمىن. بارلىق اقتوبەلىكتەردى ساياسي ناۋقانعا اتسالىسىپ، داۋىس بەرۋگە شاقىرامىن، – دەدى امانعالي بەردالين.

«قازاقتەلەكوم» اق اقتوبە وبلىستىق فيليالىندا قازىرگى تاڭدا 465 ادام جۇمىس جاسايدى. ۇلكەن ەڭبەك ۇجىمى مەملەكەت باسشىسى قاسىم-جومارت توقاەۆتىڭ رەفورمالارىن قولدايتىنىن ايتىپ، ساياسي ناۋقاننان ۇلكەن ءۇمىت كۇتەتىنىن جەتكىزدى.

ەلىن، جەرىن، بالالارىنىڭ بولاشاعىن ويلايتىن ادام رەفەرەندۋمعا بارۋى ءتيىس دەپ ويلايمىن، – دەدى جەرگىلىكتى كاسىپوداق ۇيىمىنىڭ جەتەكشىسى عاليا وتەگەنوۆا.

Abai.kz