قايىم مۇحامەدحانوۆتىڭ 105 جىلدىعىنا ارنالعان دوڭگەلەك ۇستەل وتەدى. ەلىمىزدىڭ تاۋەلسىزدىگىنىڭ 30-جىلدىعى قارساڭىندا 2021 جىلدىڭ 10 جەلتوقسانىندا اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ «رۋحاني جاڭعىرۋ» ورتالىعى، «حاكىم اباي» عىلىمي-زەرتتەۋ ورتالىعى جانە قايىم مۇحامەدحانوۆ قورىنىڭ ۇيىمداستىرۋىمەن ابايتانۋ، اۋەزوۆتانۋ، الاشتانۋ، ادەبي تەكستولوگيانىڭ نەگىزىن قالاۋشى عالىم قايىم مۇحامەدحانوۆتىڭ 105 جىلدىعىنا ارنالعان «ەر قازاق ەجەلدەن ەركىندىك اڭساعان...» اتتى دوڭگەلەك ۇستەلى وتەدى.

ەلباسى ن.ءا.نازارباەۆتىڭ «رۋحاني جاڭعىرۋ – بولاشاققا باعدار» مەملەكەتتىك باعدارلاماسىنىڭ اياسىندا ۇيىمداستىرىلاتىن ءىس-شارانىڭ ماقساتى – وسكەلەڭ ۇرپاققا كورنەكتى عالىم قايىم مۇحامەدحانوۆتىڭ زەرتتەۋ عىلىمي-پۋبليتسيستيكالىق اسىل مۇرالارىن ناسيحاتتاۋ، بىرەگەي تۇلعانىڭ ۇلگى بولارلىق ءومىر جولى، قىزمەتى جانە ونىڭ ابايتانۋعا قوسقان وراسان ۇلەسى مەن عالىمنىڭ ابايدىڭ تۇڭعىش مۋزەيىنىڭ ءىسىن دامىتۋداعى ەڭبەگى جونىندە كەڭىنەن ماعلۇمات بەرۋ. جاس ۇرپاقتىڭ رۋحاني ءبىلىم-بىلىكتىلىگىن ارتتىرۋعا بەيىمدەۋ، ولاردى ۇلاعاتتى ۇستاز ق.مۇحامەدحانۆتىڭ ارتىنا قالدىرعان مول مۇراسىن، تەرەڭ ءبىلىمى مەن جازىلعان دۇنيەلەرىن قاستەرلەپ، قۇرمەتتەۋگە شاقىرۋ بولىپ وتىر.

قايىم مۇحامەدحانوۆ ابايتانۋ عىلىمىنا بۇكىل سانالى عۇمىرىن ارناعان عالىم. ونىڭ ادەبيەتتانۋ سالاسىنداعى كوپتەگەن ماقالالارى قازاق ادەبيەتىندەگى جاڭا بەلەستى ايقىنداپ، قازاق ادەبيەتى دامۋ باعىتتارىن بەلگىلەدى. سونداي-اق، قايىم مۇحامەدحانوۆتىڭ ساياسي قۋعىن-سۇرگىن قۇرباندارىنىڭ بۇگىنگى ۇرپاقتارىن تاۋىپ، ءومىربايانىن جازىپ قالدىرۋى - ەل عالىمدارىنا وسى ءبىر تاريحي اقتاڭداقتى انىقتاۋدا ولشەۋسىز ىقپال ەتتى.
بيىل وسى ۇلى مۇرالاردى جاس ۇرپاققا قالدىرعان عالىم، تەكستولوگ، قوعام قايراتكەرى، قازاق سسر گيمنىنىڭ اۆتورى، 1000-نان اسا عىلىمي ەڭبەكتىڭ اۆتورى قايىم مۇحامەدحانوۆتىڭ تۋعانىنا – 105 جىل تولىپ وتىر.
دوڭگەلەك ۇستەلگە ۋنيۆەرسيتەتتىڭ الەۋمەتتىك دامۋ جونىندەگى پرورەكتورى شىڭعىس نۇرلانۇلى نۇرلانوۆ، «حاكىم اباي» عىلىمي-زەرتتەۋ ورتالىعىنىڭ باسشىسى، ابايتانۋشى عالىم جابال شويىنبەت، قايىم مۇحامەدحانوۆ قورىنىڭ پرەزيدەنتى، قايىم مۇحامەدحانوۆتىڭ قىزى – دينا قايىمقىزى مۇحامەدحانوۆا، ف.ع.د.، پروف. شاكەرىمتانۋشى عالىم بالتاباي ابدىعازىۇلى، تۇركيانىڭ كودجاتەپە ۋنيۆەرسيتەتىنىڭ پروفەسسورى Hüseyin Kahraman Mutlu قاتىسادى.

وتەتىن ۋاقىتى: 10 جەلتوقسان 2021 ج، ساع.15.00-16.00
وتەتىن جەرى: باس عيمارات، 3-قابات. «رۋحاني جاڭعىرۋ زالى» 320 كابينەت
قوسىمشا اقپارات ءۇشىن: +7 747 052 99 04

Abai.kz