جۇما, 27 قاراشا 2020
COVID-19 قازاقستاندا. جۇقتىرعاندار — 128400. جازىلعاندار — 114821. قايتىس بولعاندار — 1990
جاڭالىقتار 1395 0 پىكىر 9 تامىز, 2012 ساعات 09:25

سايىن بولەك. داريعا نازارباەۆا كۇزدە توڭكەرىس جاسايتىن كورىنەدى

قىركۇيەك ايىنىڭ بىرىندە باستالاتىن پارلامەنت سەسسياسىندا دەپۋتات داريعا نازارباەۆا ساياي مازمۇنى سالماقتى بايانداما جاسايدى دەيدى بىلگىشتەر.

داريعا نۇرسۇلتانقىزىنىڭ پرەزيدەنتتىڭ اينالاسىنداعى لاۋازىم يەلەرىن «كۇزدە سانايتىنى» تۋرالى ءسوز استانادا ەكى-ءۇش ايدان بەرى گۋلەپ تۇر. «دن كۇزدە ايتەدى ەكەن»، «دن كۇزدە بۇيتەدى ەكەن»، - دەسىپ الاقانىن ىسقىلاعان ادامداردىڭ اۋزىنا وسى جولداردىڭ اۆتورى دا قۇلاعىن توسقان بولاتىن. سونداعى ەستىگەنىمىز - داريعا نازارباەۆا بيلىكتى بيلەپ توستەگەن توپتاردى اشكەرەلەپ، ەلباسىنىڭ كادرلىق ساياساتىنا تۇزەتۋ ەنگىزبەك ەكەنگە سايادى. بۇل، ارينە، بولجام. قيال-عاجايىپ تۇرىندەگى ساياسي قيسىن. پرەزيدەنتكە ىقپالدى توپتار داريعا حانىمنىڭ داقپىرىتى زور بايانداماسىن جاساتپاي قويۋى دا مۇمكىن. ايتكەنمەندە، اتقارۋشى بيلىك پەن پرەزيدەنت اكىمشىلىگىنە ءبىر تىقىردىڭ تاياپ قالعانى انىق. ويتكەنى، پرەزيدەنتتىڭ اينالاسى ونى قوعامنان الىستاتىپ بارادى. پرەزيدەنت نەشە رەت وقتالعانىمەن ءتىپتى ۇكىمەت باسشىسى كارىم ءماسىموۆتى وتستاۆكاعا جىبەرۋگە  دە پارمەن ەتە  المادى. ءماسىموۆتىڭ ورنىنان مىزعىماۋىنا قاتىستى ساراپشىلىر ەلدى جوققا سەندىرىپ باققانىمەن راسىندا سولاي: پرەزيدەنت بۇگىندە ءماسىموۆ تۇگىلى اكىم-قارالاردىڭ ءوزىن ءىشىنارا اۋىستىرىپ، ءارى-بەرى جىلجىتۋدان ارىگە بارا الماي وتىر. ەندەشە ەلباسىن وسىنداي تىعىرىقتان شىعارۋ كەرەك. ول ماسەلەنى ەرىنە ەرىپ كەتپەي مەملەكەت باسشىسىنىڭ، ناقتىسىن ايتساق، اياۋلى اكەسىنىڭ قاسىنان تابان اۋدارماعان داريعا قولعا الىپ جاتسا كەرەك.

قىركۇيەك ايىنىڭ بىرىندە باستالاتىن پارلامەنت سەسسياسىندا دەپۋتات داريعا نازارباەۆا ساياي مازمۇنى سالماقتى بايانداما جاسايدى دەيدى بىلگىشتەر.

داريعا نۇرسۇلتانقىزىنىڭ پرەزيدەنتتىڭ اينالاسىنداعى لاۋازىم يەلەرىن «كۇزدە سانايتىنى» تۋرالى ءسوز استانادا ەكى-ءۇش ايدان بەرى گۋلەپ تۇر. «دن كۇزدە ايتەدى ەكەن»، «دن كۇزدە بۇيتەدى ەكەن»، - دەسىپ الاقانىن ىسقىلاعان ادامداردىڭ اۋزىنا وسى جولداردىڭ اۆتورى دا قۇلاعىن توسقان بولاتىن. سونداعى ەستىگەنىمىز - داريعا نازارباەۆا بيلىكتى بيلەپ توستەگەن توپتاردى اشكەرەلەپ، ەلباسىنىڭ كادرلىق ساياساتىنا تۇزەتۋ ەنگىزبەك ەكەنگە سايادى. بۇل، ارينە، بولجام. قيال-عاجايىپ تۇرىندەگى ساياسي قيسىن. پرەزيدەنتكە ىقپالدى توپتار داريعا حانىمنىڭ داقپىرىتى زور بايانداماسىن جاساتپاي قويۋى دا مۇمكىن. ايتكەنمەندە، اتقارۋشى بيلىك پەن پرەزيدەنت اكىمشىلىگىنە ءبىر تىقىردىڭ تاياپ قالعانى انىق. ويتكەنى، پرەزيدەنتتىڭ اينالاسى ونى قوعامنان الىستاتىپ بارادى. پرەزيدەنت نەشە رەت وقتالعانىمەن ءتىپتى ۇكىمەت باسشىسى كارىم ءماسىموۆتى وتستاۆكاعا جىبەرۋگە  دە پارمەن ەتە  المادى. ءماسىموۆتىڭ ورنىنان مىزعىماۋىنا قاتىستى ساراپشىلىر ەلدى جوققا سەندىرىپ باققانىمەن راسىندا سولاي: پرەزيدەنت بۇگىندە ءماسىموۆ تۇگىلى اكىم-قارالاردىڭ ءوزىن ءىشىنارا اۋىستىرىپ، ءارى-بەرى جىلجىتۋدان ارىگە بارا الماي وتىر. ەندەشە ەلباسىن وسىنداي تىعىرىقتان شىعارۋ كەرەك. ول ماسەلەنى ەرىنە ەرىپ كەتپەي مەملەكەت باسشىسىنىڭ، ناقتىسىن ايتساق، اياۋلى اكەسىنىڭ قاسىنان تابان اۋدارماعان داريعا قولعا الىپ جاتسا كەرەك.

داريعا نۇرسۇلتانقىزى ءوز بايانداماسىن جاڭاوزەن وقيعاسىنان باستاپ وعان كىنالى ادامداردىڭ اتتارىن اتايدى دەپ جازادى guljan.org سايتى. اتتارى اتالاتىن ادامداردىڭ قاتارىندا قازىرگى پرەزيدەنت اكىمشىلىگىنىڭ باسشىسى اسلان ءمۋسيننىڭ، ىشكى ىستەر ءمينيسترى قالمۇحانبەت قاسىموۆتىڭ، بۇرىنعى ماڭعىستاۋ وبلىسىنىڭ اكىمى قىرىمبەك كوشەرباەۆتاردىڭ ەسىمدەرى اتالاتىنعا ۇقسايدى. ارقانكەرگەن قىرعىنىنا بايلانىستى شەكاراشى چەلاحتان باستاپ ۇقك باسشىسى نۇرتاي ابىقاەۆتىڭ،  ەلباسىنىڭ اينالاسىن شىرماعان كلانداردىڭ، ونىڭ ىشىندە مارقۇم سارىباي قالمىرزاەۆ كلانىنىنىڭ  دا اتى اتالىپ، ءتۇسى تۇستەلەتىن كورىنەدى.  استانا قالاسىنىڭ اكىمى تاسماعامبەتوۆ تە، اتىراۋ وبلىسىنىڭ اكىمى بەرگەي رىسقاليەۆ تە باياندامادان تىس قالمايدى-مىس. ورتانشى كۇيەۋ تيمۋر قۇلىباۆ تا باياندامانىڭ باستى كەيىپكەرلەرىنىڭ ءبىرى بولىپ تابىلماق. قىسقاسى، دەپۋتات داريعا نازارباەۆا الداعى كۇزدە كادرلىق توڭكەرىس جاساماقشى. توڭكەرىس دەگەن ءسوزدى تۋرا ماعاناسىندا ايتىپ وتىرمىز. سەبەبى، بۇنداي توڭىكەرىستى بۇگىنگى قوعام كوپتەن بەرى كۇتۋلى.

«اباي-اقپارات»

0 پىكىر