اقش بيزنەسى قازاقستانعا ينۆەستيتسيا سالۋعا مۇددەلى. بۇل تۋرالى قر سىرتقى ىستەر مينيسترلىگى مالىمدەدى.

بۇۇ باس اسسامبلەياسىنىڭ 76-شى سەسسياسىنا قاتىسۋ اياسىندا نيۋ-يوركتە قر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى قازاقستانمەن ينۆەستيتسيالىق ىنتىماقتاستىققا مۇددەلى اقش-تىڭ ءىرى كومپانيالارىمەن دوڭگەلەك ۇستەل وتكىزدى.

قازاقستاندىق مينيستر قازاقستان رەسپۋبليكاسى ۇكىمەتىنىڭ اۋىل شارۋاشىلىعى، ازىق-تۇلىك ءوندىرىسى، ماشينا جاساۋ، حيميا، مەتاللۋرگيا، مۇناي وڭدەۋ، IT, كولىك جانە لوگيستيكا سياقتى باسىم سەكتورلارعا تشي تارتۋ ءۇشىن بارلىق قاجەتتى جاعداي جاساۋعا دايىن ەكەندىگىن راستادى.

م.تلەۋبەردى سونىمەن قاتار امەريكاندىق «Tyson Foods»، «Valmont»، «Agro Solutions Group»، «Morgan Stanley» جانە «City Group» كومپانيالارىنىڭ باسشىلىعىمەن بىرقاتار جەكە كەزدەسۋلەر وتكىزدى.

اقش - قازاقستاننىڭ ءىرى ەكونوميكالىق سەرىكتەستەرى مەن ينۆەستورلارىنىڭ ءبىرى. بۇگىندە قازاقستاندا ماشينا جاساۋ، حيميا، قۇرىلىس، مۇناي-گاز سەكتورىندا، سونداي-اق IT-پلاتفورمالار مەن باسقا دا الاڭداردا 500-دەن استام امەريكاندىق كومپانيا جۇمىس ىستەيدى. 2005 جىلدان باستاپ قازاقستان ەكونوميكاسىنا تارتىلعان امەريكاندىق ينۆەستيتسيالار كولەمى 45 ملرد اقش دوللارىنان استى.

Abai.kz