دۇيسەنبى, 25 قازان 2021
اقمىلتىق 2821 24 پىكىر 22 قىركۇيەك, 2021 ساعات 11:10

تاشەنەۆكە «حالىق قاھارمانى» اتاعىن بەرەتىن كەز كەلدى

قازاقستان رەسپۋبليكاسىنىڭ پرەزيدەنتى
ق.ك.توقاەۆ مىرزاعا حات

قۇرمەتتى قاسىم-جومارت كەمەلۇلى!

قازاقستان مەملەكەتىنىڭ ىرگەتاسىن قالاعان الاش ازاماتتارىنىڭ ارۋاعى ارداقتالا باستاعانىنا، رەسپۋبليكا استاناسىندا جاراسىمدى ەسكەرتكىشتەرى ورناتىلىپ جاتقانىنا بەك قۋانىشتىمىز!

ۇر دا جىق حرۋششەۆتىڭ پاسىق پيعىلىنا جانپيدالىقپەن قارسى تۇرىپ، «تىڭ ولكەمىزدى» رەسەيگە بەرگىزبەي، قازاق جەرىن الداعى ۋاقىتتا بولشەكتەلۋ قاۋپىنەن امان ساقتاپ قالعان ۇلى تۇلعا جۇمابەك تاشەنەۆ اعامىزعا ەلوردادا ەسكەرتكىش قويىلعانىن ەستىپ، كورىپ جانە ءبىر شاتتاندىق!

وسى ورايدا جازىلعان بۇل حاتىمىز – جۇمابەك تاشەنەۆ مارقۇمعا «قازاقستاننىڭ حالىق قاھارمانى» اتاعىن بەرۋ ابدەن ءجون بولار ەدى دەگەن تىلەگىمىز.

قازاقتىڭ جۇمابەك تاشەنەۆتەن ايارى بولماسا كەرەك! ءسىزدىڭ قولدايتىنىڭىزعا سەنىمدىمىز!

ەكىنشى ءجايت: حرۋششەۆتىڭ ماڭعىستاۋدى تۇرىكمەنستانعا بەرۋىنە قايمىقپاي قارسى شىعىپ، دايىندالعان قۇجاتقا قول قويماعان شاھماردان ەسەنەۆ مارقۇمنىڭ اتىن ەلورانىڭ كورنەكتى ءبىر الاڭىنا، كوشەسىنە نەمەسە جوعارى وقۋ ورىندارىنىڭ بىرىنە بەرۋدى دە ەسكەرىڭىز!

مىڭباي ءراش،

قازاقستاننىڭ ەڭبەك سىڭىرگەن مادەنيەت قىزمەتكەرى،
قازاقستاننىڭ قۇرمەتتى جازۋشىسى

ۋاحاپ قىدىرحانۇلى،

قازاقستاننىڭ ەڭبەك سىڭىرگەن مادەنيەت قىزمەتكەرى، جازۋشى،
تاريحشى، اۋدارماشى

عابباس قابىشۇلى،

حالىقارالىق ادەبي «الاش» سيلىعىنىڭ يەگەرى،
قازاقستاننىڭ قۇرمەتتى جۋرنالشىسى، جازۋشى، اۋدارماشى

Abai.kz

24 پىكىر