سارسەنبى, 22 قىركۇيەك 2021
2160 0 پىكىر 25 شىلدە, 2021 ساعات 12:19

الماتى وبلىسىندا اۋىل اكىمدەرىن سايلاۋ قالاي وتەدى؟

بۇگىن، 25 شىلدە كۇنى قازاقستاندا اۋىل اكىمدەرىن سايلاۋ ناۋقانى وتەدى. بۇل باستاما العاش رەت مەملەكەت باسشىسى قاسىم-جومارت توقاەۆتىڭ 2020 جىلعى 1 قىركۇيەكتەگى “جاڭا جاعدايداعى قازاقستان: ءىس-قيمىل كەزەڭى” اتتى جولداۋىندا ايتىلعان بولاتىن.

پرەزيدەنت توقاەۆتىڭ ايتۋىنشا، اۋىل اكىمدەرىنەن سوڭ، اۋدان، قالا اكىمدەرى دە سايلانۋى مۇمكىن.

-بيلىكتىڭ حالىققا كوڭىل بۇرا باستاعانىن وسىدان اڭعارۋعا بولادى. بىرتە-بىرتە قالا، ءتىپتى وبلىس اكىمدەرىن دە زالىق ءوزى تاڭداپ جاتسا قارسى ەمەسپىز. بىراق، ازىرگە الداعىنا بولجاپ ايتۋ ارتىق بولار,- دەگەن ەدى پرەزيدەنت.

ال، اتالعان ساياسي دودا بارىسىندا الماتى وبلىسىنداعى 71 اۋىلدىق وكرۋگكە جاڭا اكىم سايلانباق.

باستاپقا كەزدە وڭىردەگى اۋىل اكىمدەرىن سايلاۋعا قاتىسۋشىلاردىڭ سانى 279 ادام بولعان. سوڭعى مالىمەت بويىنشا ايماقتاعى كانديداتتار سانى 235-كە قىسقارىپتى. ياعني، 44 ۇمىتكەر ءارتۇرلى سەبەپتەرمەن سايلاۋعا قاتىسپايتىن بولعان. ال، ساياسي دوداعا ءتۇسىپ جاتقانداردىڭ ىشىندە 82 ۇمىتكەر ساياسي پارتيا وكىلدەرى بولسا، 153 ادام ءوزىن-ءوزى ۇسىنعاندار ەكەن.

الماتى وبلىستىق سايلاۋ كوميسسياسىنىڭ مۇشەسى قاھارمان جاقسىلىقتىڭ ايتۋىنشا، وڭىردەگى اكىمدىككە ۇمىتكەرلەر ەڭ كوپ تىركەلگەن ايماق تالعار اۋدانى بولعان.

-قازىر ىلە اۋدانى چاپاەۆ اۋىلىندا كانديداتتىققا 5 ۇمىتكەر تىركەلگەن. بۇعان دەيىن وڭىردەگى ۇمىتكەرلەر سانى 9 كانديدات بولعان. اكىمدىككە ۇمىتكەرلەر ەڭ كوپ تىركەلگەن ايماق تالعار اۋدانى بولىپ وتىر. وندا ءبىر ادامعا 6 ادامنان اينالۋدا,- دەيدى وڭىرلىك سايلاۋ كوميسسياسىنىڭ مۇشەسى.

قازىر، الماتى وبلىسىندا نۇر-سۇلتان ۋاقىتىمەن تاڭعى ساعات 7:00-دەن باستاپ وبلىستاعى بارلىق سايلاۋ ۋچاسكەلەرى ءوز جۇمىسىن باستاعان. بۇل ناۋقانعا وڭىردەگى 220 مىڭنان استام تۇرعىن داۋىس بەرۋگە قاتىسادى دەپ كۇتىلىپ وتىر.

ايتا كەتەيىك، وىسدان ءبىر ايت بۇرىن پرەزيدەنت توقاەۆ اۋىل اكىمدەرىن سايلاۋ جونىندە وبلىستار مەن رەسپۋبليكالىق ماڭىزى بار قالالاردىڭ اكىمدەرىمەن كەڭەس وتكىزگەن بولاتىن. پرەزيدەنت اكىمشىلىگى مەن ۇكىمەت باسىشىلىعى قاتىسقان جيىندا بۇل ساسياي دودانىڭ ماڭىزى جونىندە جان-جاقتى تالقىلانعان.

-بۇل وقيعانى ەلىمىزدىڭ تاريحىنداعى ايتۋلى بەلەس دەسەك بولادى. بۇل ءبىز ءۇشىن ستراتەگيالىق ماڭىزعا يە ايرىقشا ءمانى بار ۇلكەن مىندەت. سەبەبى، ءبىزدىڭ ازاماتتارىمىز العاش رەت جەرگىلىكتى اتقارۋشى بيلىكتىڭ باسشىسىن تىكەلەي سايلاۋ مۇمكىندىگىنە يە بولاماق. ءبىز بۇل قادامعا جوسپارلى تۇردە، بىرتىندەپ كەلدىك،- دەگەن ەدى مەملەكەت باسشىسى.

مەملەكەت باسشىسىنىڭ ايتۋىنشا، قازاقستان حالىقىنىڭ 40 پايىزدان استامى اۋىلدا تۇرادى. سوندىقتان، اتالعان ساسياي شارا ەڭ اۋەلى اۋىل تۇرعىندارىنىڭ مۇددەسى ءۇشىن جاسالىپ جاتقان كورىنەدى.

-بۇل سايلاۋ ءبىز جۇزەگە اسىرىپ جاتقان ساياسي رەفورمالارعا تىڭ سەرپىن بەرەدى دەگەن سەنىمىم بار. سونىمەن قاتار، بۇل شارا اۋىل تۇرعىندارىن ەل باسقارۋ مەن شەشىم قابىلداۋ ۇدەرىسىنە تارتۋعا جول اشادى,- دەدى پرەزيدەنت.

ەسكە سالا كەتەيىك، اۋىل اكىمدەرىنىڭ وكىلەتتىك مەرزىمى – ءتورت جىل. ۇلتتىق ەكونوميكا مينيسترلىگىنىڭ بولجامىنشا، وسى جىلدىڭ ەەكىنشى جارتىجىلدىعىندا 800 اۋىل اكىمى تىكەلەي سايلانادى.

Abai.kz

0 پىكىر