جەكسەنبى, 5 جەلتوقسان 2021
الاساپىران 1964 0 پىكىر 23 شىلدە, 2021 ساعات 12:11

جەتىم سانىن ارتتىرعان كوروناۆيرۋس

بريتاندىق زەرتتەۋشىلەر بالالاردى اتا-اناسىز نەمەسە قامقورشىسىز قالدىرعان كوروناۆيرۋستىق ينفەكتسيادان بولاتىن ءولىمنىڭ العاشقى جاھاندىق تالداۋىن جۇرگىزىپ، COVID-19 پاندەمياسى الەمدەگى جەتىم بالالار سانىنىڭ ارتۋىنا اكەلگەنىنە كوز جەتكىزدى. 

زەرتتەۋدىڭ اۆتورلارى ماتەماتيكالىق مودەلدەۋدى قولدانعان. ولار 21 ەلدە 18 جاسقا دەيىنگى بالالاردىڭ اتا-اناسىز، قامقورشىسىز قالۋ سانىن ەسەپتەگەن.

سونىمەن، لوندون يمپەراتورلىق كوللەدجى عالىمدارىنىڭ تالداۋىنا سايكەس، 2020 جىلدىڭ ناۋرىزىنان باستاپ 2021 جىلدىڭ ساۋىرىنە دەيىن 21 ەلدە (ارگەنتينا، برازيليا، كولۋمبيا، انگليا، ۋەلس، فرانتسيا، گەرمانيا، ءۇندىستان، يران، يتاليا، كەنيا، مالاۆي، مەكسيكا، نيگەريا، پەرۋ، فيليپپين، پولشا، رەسەي، وڭتۇستىك افريكا رەسپۋبليكاسى، يسپانيا، اقش جانە زيمبابۆە) COVID-19 پاندەمياسى جەتىم قالعان بالالار سانىن 1134000-عا ارتتىرعان.

جالپى، اتا-اناسىنان نەمەسە ۇلكەن تۋىستارىنان ايىرىلعان بالالاردىڭ سانى 788704-كە جەتتى. جەتىم بالالار سانى بويىنشا ءبىرىنشى ورىندا مەكسيكا - 141,1 مىڭنان استام، برازيليادا 130,3 مىڭنان استام كامەلەتكە تولماعاندار اتا-اناسىنان ايىرىلدى. ءۇشىنشى ورىندى اقش الادى - 113,7 مىڭ بالا. رەسەيدە بۇل كورسەتكىش 29,7 مىڭ بالا جەتىم قالدى.

عالىمدار ۆيرۋستىڭ جاڭا شتامدارىنىڭ تارالۋى جانە ۆاكتسيناتسيانىڭ باسەڭدەۋى پاندەميا كەزىندە جەتىم بالالار سانىنىڭ كوبەيۋىنە اكەلۋى مۇمكىن دەپ قورقادى.

Abai.kz

0 پىكىر