وزبەكستاندا تامىز ايىندا تۇرمىسى تومەن وتباسىلاردىڭ بالالارىنا كومەك رەتىندە 500 000 سۋم (50 دوللار) كولەمىندە جاردەماقى تولەمەك. بۇل اقشا بالالارىنا مەكتەپكە قاجەتتى زاتتار الۋ ءۇشىن بەرىلەدى.

بۇل جونىندە ەل پرەزيدەنتى شاۆكات ميرزياەۆ تاشكەنتتە وتكەن جاستار مەن ستۋدەنتتەر فورۋمىندا ايتتى. سونىمەن بىرگە تۇرمىسى تومەن وتباسىلاردان شىققان ستۋدەنتتەر وقۋ ورىندارىندا العاشقى جىلى بيۋدجەت ەسەبىنەن وقيدى.

وزبەك پرەزيدەنتى جاس وتباسىلارعا يپوتەكامەن پاتەر الۋ ءۇشىن 2000 كۆوتا بولىنەتىنىن جەتكىزدى. ول ءۇشىن مەملەكەتتەن 60 ملرد سۋم (5,6 ملن دوللار) بولىنبەك.

ميرزياەۆ سونىمەن بىرگە مەملەكەت قامقورلىعىنداعى جاستار وتباسىن قۇرامىن دەسە، 33 ميلليون سۋم (3 مىڭ دوللاردان استام) كەپىلسىز نەسيە بەرىلەتىنىن ايتتى.

Abai.kz