رەسەي مەن بەلارۋسسيا قىرىمعا رەيستەر اشۋ ماسەلەسىن پىسىقتايدى. بۇل تۋرالى 1 ماۋسىمدا بەلارۋسسيا پرەزيدەنتى الەكساندر لۋكاشەنكو مالىمدەدى.

لۋكاشەنكو ۋكراينانىڭ بەلارۋسسيا ۇشاقتارى ءۇشىن اۋە كەڭىستىگىن جاپقانىن ايتتى.

«ءبىزدىڭ قىرىمدا، ميسحوردا ادامدار ساياحاتتاپ دەمالاتىن ءوزىمىزدىڭ شيپاجايىمىز بار. ءبىز قارىم - قاتىناستى ۋشىقتىرماس ءۇشىن ۋكراينانى ارالادىق: بىرەۋلەرى پويىزبەن، بىرەۋلەرى ۆاگوندارمەن، بىرەۋلەر ۇشاقپەن. ەندى ولار ءبىز ءۇشىن اۋە جولدارىن جاۋىپ تاستادى»،- دەدى لۋكاشەنكو.

لۋكاشەنكونىڭ سوزىنە قاراعاندا، ول رەسەي پرەزيدەنتى ۆلاديمير پۋتيننەن بۇل ماسەلەنى شەشۋىن سۇرادى: «ءبىز قىرىمعا قالاي جەتە الاتىنىمىزدى ويلاڭىز. ءبىز پولشا ارقىلى ۇشپايمىز:ول جاققا دا كىرۋگە بولمايدى»،-دەدى ول.

قۇزىرەتتى ۆەدومستۆولارعا قازىردىڭ وزىندە قىرىمعا رەيستەر اشۋ ماسەلەسىن پىسىقتاۋ تاپسىرىلدى. لۋكاشەنكو «مۇندا ەشقانداي پروبلەما بولمايدى» دەپ سانايدى.

ۋكراينا Ryanair اۋە كەمەسىمەن بولعان وقيعادان كەيىن بەلارۋسسيامەن اۋە قاتىناستارىن جاپقان. ايتا كەتسەك، 23 مامىردا افينى-ۆيلنيۋس باعىتىندا كەلە جاتقان لاينەر مينسكىگە جارىلىس قاۋپى بار دەگەن سەبەپپەن شۇعىل قوندى. قونعاننان كەيىن بىردەن قاۋىپسىزدىك كۇشتەرى بورتتا بولعان وپپوزيتسيالىق Telegram NEXTA ارناسىنىڭ بۇرىنعى باس رەداكتورى رومان پروتاسەۆيچتى ۇستادى. الايدا، جارىلىس قاۋپى راستالمادى.

Abai.kz