ازات پەرۋاشەۆ ۇلتتىق قور قاراجاتىنىڭ ءتيىمدى جۇمسالۋىن باقىلاۋ جونىندەگى پارلامەنتتىك توپ قۇرۋدى ۇسىندى. ول بۇل تۋرالى ءماجىلىستىڭ جالپى وتىرىسىندا رەسپۋبليكالىق بيۋدجەتكە ناقتىلاۋلاردى تالقىلاۋ بارىسىندا مالىمدەدى.

ۇكىمەت ۇسىنىپ وتىرعان بيۋدجەتتى ۇلعايتۋ كوزدەرىنىڭ ءبىرى ۇلتتىق قوردان 850 ملرد تەڭگەگە ترانسفەرتتەردىڭ ءوسۋى بولىپ تابىلادى.

«ءبىز قازىرگى جاعدايدا بۇل قاجەتتى شارا ەكەنىن تۇسىنەمىز. بىراق ول ۇكىمەتتەن بۇل قاراجاتقا وتە مۇقيات بولۋدى تالاپ ەتەدى.

بۇل اقشا بىزگە ەمەس، بولاشاق ۇرپاققا تيەسىلى»، - دەدى ا.پەرۋاشەۆ.

«اق جول» كوشباسشىسى اتالعان قاراجاتتى پايدالانۋ كەزىندە ءتيىمدى جۇمسالۋىن باقىلاۋ جونىندەگى بارلىق فراكتسيالاردىڭ قاتىسۋىمەن تۇراقتى جۇمىس ىستەيتىن پارلامەنتتىك جۇمىس توبىن قۇرۋدى ۇسىندى.

- «بۇل ۇسىنىس وتكەن كەزەڭدە ەكونوميكانى جانە حالىقتى قولداۋ شارالارىن ىسكە اسىرۋ كەزىندەگى سىبايلاس جەمقورلىق فاكتىلەرى بويىنشا قۇرىلىستىڭ جوعارى قۇنىنان باستاپ، مەكتەپ نوۋتبۋكتەرىن تىكەلەي ۇرلاۋعا دەيىنگى  كوپتەگەن دابىلدارعا بايلانىستى ءبىزدىڭ الاڭداۋشىلىعىمىزدان تۋىندادى.

وسى قاراجاتتى جۇمساۋ ناتيجەسى بويىنشا پارلامەنتتىك تىڭداۋلار وتكىزۋ قاجەت دەپ سانايمىز», - دەپ تولىقتىردى ازات پەرۋاشەۆ.

Abai.kz