قازاقستاندا 1,5 ميلليونعا جۋىق ادام ەكپە الدى. بۇل تۋرالى بۇگىن ۇكىمەت وتىرىسىندا قر دەنساۋلىق ساقتاۋ ءمينيسترى الەكسەي تسوي مالىمدەدى. 

- «4 مامىرداعى جاعداي بويىنشا رەسپۋبليكاداعى ينفەكتسيالىق توسەك-ورىنداردىڭ جۇكتەمەسى 42, ال رەانيماتسيالىق توسەك-ورىنداردىڭ جۇكتەمەسى 28 پايىزدى قۇرايدى. ينفەكتسيالىق توسەك-ورىنداردىڭ ەڭ جوعارى جۇكتەمەسى نۇر-سۇلتان قالاسىندا 60, الماتى قالاسىندا 57, قىزىلوردا وبلىسىندا 59, الماتى وبلىسىندا 56 پايىزدى، ال رەانيماتسيالىق توسەك-ورىندار جۇكتەمەسى نۇر-سۇلتان مەن باتىس قازاقستان وبلىسىندا 62, الماتى قالاسىندا 52 پايىزدى قۇراپ وتىر», - دەدى مينيستر.

ونىڭ دەرەگىنشە، قازىرگى ۋاقىتتا قازاقستان اۋماعىندا سپۋتنيك V, QazVaq, Hayat-Vaح ۆاكتسينالارى قولجەتىمدى.

- «شامامەن 1,5 ملن ادام نەمەسە حالىقتىڭ ۆاكتسيناتسيالاۋعا جاتاتىن ساناتىنىڭ 15 پايىزى ەكپە الدى», - دەدى الەكسەي تسوي.

Abai.kz