پرەزيدەنتتءىڭ ءباسپاسوز حاتشىسى بەرىك ءۋالي قاسىم-جومارت توقاەۆتىڭ نەلىكتەن وتاندىق ۆاكتسينا سالماعانىنا قاتىستى الەۋمەتتىك جەلى قولدانۋشىلارىنىڭ ساۋالىنا جاۋاپ بەردى.

 ءباسپاسوز حاتشىسىنىڭ ايتۋىنشا، پرەزيدەنت كوروناۆيرۋسقا قارسى وتاندىق ەكپەنى كەلەسى جولى سالدىرادى ەكەن.

«ازاماتتارىمىز الەۋمەتتىك جەلىلەردە مەملەكەت باسشىسىنىڭ بۇعان دەيىن قازاقستاندىق ۆاكتسينا سالدىرامىن دەپ، بىراق ونى كۇتپەي، «سپۋتنيك-V» ەكپەسىن العانى جونىندە سۇراقتار قويۋدا.

پرەزيدەنتتىڭ ارقاشان دا وتاندىق ءونىمدى قولدايتىنىن سەنىمدى تۇردە ايتا الامىن. قاسىم-جومارت توقاەۆ قاراعاندىدا شىعارىلعان ۆاكتسينانى سالدىردى جانە ءبىزدىڭ عالىمدارعا تولىق سەنەدى. قازاقستاندىق ۆاكتسينا ءوندىرىسى ىسكە قوسىلعاننان كەيىن مەملەكەت باسشىسى جامبىل وبلىسىنا بارىپ، كاسىپورىننىڭ جۇمىسىمەن ارنايى تانىسۋدى جوسپارلاپ وتىر. پرەزيدەنت كەلەسى جولى كوروناۆيرۋسقا قارسى وتاندىق ەكپەنى سالدىرۋعا نيەتتى.

پرەزيدەنت كوروناۆيرۋسقا قارسى كۇرەستە حالىقتى جاپپاي ۆاكتسيناتسيالاۋدان باسقا بالاما جوق ەكەنىنە سەنىمدى»،- دەپ جازدى بەرىك ءۋالي.

ايتا كەتەيىك، 6-ءساۋىر كۇنى پرەزيدەنت توقاەۆ رەسەيلىك «سپۋتنيك-V» ۆاكتسيناسىن العانى تۋرالى اقپارات شىققان.

Abai.kz