بيىل قازاقستاندا مۇنايدى ەسەپكە الۋ جۇيەسى ىسكە قوسىلادى. بۇل تۋرالى قر ەنەرگەتيكا مينيسترلىگى مالىمدەدى. 

«ۇات» اق بازاسىندا مۇناي مەن گاز كوندەنساتىن ەسەپكە الۋدىڭ اقپاراتتىق جۇيەسىن تولىققاندى رەجيمدە ىسكە قوسۋدى ەنەرگەتيكا مينيسترلىگى مەن تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى بىرلەسىپ اتقارماق.

- «مەحانيزم تۇتىنۋشىعا جەتكىزۋگە دايىندالعان اينالىمداعى شيكى مۇناي مەن گاز كوندەنساتىنىڭ مولشەرى تۋرالى دەرەكتەردى جيناۋ، وڭدەۋ، ساقتاۋ جانە پايدالانۋ پروتسەسىن اۆتوماتتاندىرۋعا مۇمكىندىك بەرەتىن بولادى»,-دەيدى مينيسترلىك.

مۇناي مەن گاز كوندەنساتىن ەسەپكە الۋدىڭ اقپاراتتىق جۇيەسى دايىندىقتان، تاسىمالداۋدان، ساقتاۋدان، تيەپ-جونەلتۋدەن، وتكىزۋدەن، قازاقستاننان تىسقارى جەرلەرگە اكەلۋدەن جانە اكەتۋدەن باستاپ مۇناي مەن گاز كوندەنساتىن ەسەپكە الۋدىڭ ءتيىمدى قۇرالى رەتىندە قۇرىلعان. سونداي-اق بۇل ەسەپتەردى تاپسىرۋ كەزىندە ادامي فاكتور قاتەلەرىنىڭ ازايۋىنا جانە قاعاز قۇجات اينالىمى ۇلەسىنىڭ قىسقارۋىنا اكەلەدى-مىس.

بۇگىنگى تاڭدا جۇيە پيلوتتىق رەجيمدە ىسكە قوسىلعان جانە وعان 3 مۇناي تاسىمالداۋشى ۇيىمى قوسىلدى: – «قازترانسويل»، «مۇنايتاس» جانە «قازاقستان-قىتاي قۇبىرى». «كاسپي قۇبىر كونسورتسيۋمى» قوسىلۋ ساتىسىندا تۇر. اعىمداعى جىلى جۇيەگە قازاقستاننىڭ مۇناي ءوندىرىسىنىڭ جالپى كولەمىنىڭ 60%-ىن قامتاماسىز ەتەتىن بىرقاتار ۇيىمداردى قوسۋ جوسپارلانۋدا. 2021-2022 جىلدارى مەاج-عا بارلىعى 3 مۇناي وڭدەۋ زاۋىتى، 16 شاعىن ءموز، 4 مۇناي تاسىمالداۋ ۇيىمى جانە 100 جەر قويناۋىن پايدالانۋشى دەرەكتەر جىبەرەتىن بولادى.

Abai.kz