2020 جىلى بەلورۋسسيا ونەركاسىپ ورىندارى 1 ملرد دوللار جوعالتقان. بۇل تۋرالى بەلورۋسسيانىڭ ونەركاسىپ ءمينيسترىنىڭ ورىنباسارى سەرگەي گۋنكو مالىمدەدى. 

«ءبىزدىڭ ەسەپتەۋىمىز بويىنشا بەلورۋسسيانىڭ ونەركاسىپ ورىندارى 2020 جىلى ەپيدەميالىق جاعدايعا بايلانىستى تاۋاردى جەتكىزۋدىڭ قيىنداۋىنان 1 ملرد دوللار شىعىنعا ۇشىراعان.

بىراق ءبىز العاشقى ەكى ايدىڭ وزىندە ونەركاسىپ ورىندارىن اسكەري جاعدايداعىداي بەيىمدەپ ۇلگەردىك. جاعداي كۇن سايىن ەمەس، ساعات سايىن قۇبىلىپ تۇردى. ەۋروپا ەلدەرى تاۋاردى ساتىپ الۋدان باس تارتقان جاعدايدا، باسقا ساتىپ الۋشىلاردى بىرنەشە ساعات ىشىندە تابۋعا تۋرا كەلدى.

قارجى تولەمى جاعىنان دا قيىندىقتار بولدى. بانكتەر اقشا اۋدارىمىنان باس تارتقان جايتتار دا ورىن الدى. ونىڭ بارلىعىن جىلدام رەتتەۋ قاجەت ەدى. تەز ارادا جاڭا سەرىكتەستەردى تاپتىق»، - دەدى ول.

2020-جىل بەلورۋسسيا ءۇشىن وڭايعا سوقپادى. پرەزيدەنت سايلاۋىنان كەيىن ەلدە تۋىنداعان ساياسي داعدارىس كۇشەيە ءتۇستى.

Abai.kz