الماتىدا 2021 جىلدىڭ 21 قىركۇيەگىندە كرەماتوري قۇرىلىسى اياقتالادى. وعان بيۋدجەتتەن 1,74 ملرد. تەڭگە قاراستىرىلعان. ال، نۇر-سۇلتانداعى كرەماتوري قۇرىلىسىنا 1,48 ملرد.تەڭگە بولىنبەك. 

Kursiv.kz پورتالىنىڭ مالىمەتىنشە, الماتى بيلىگى 2020 جىلى 21 جەلتوقساندا «Mega Build Kazakhstan» جشس-مەن 1,47 ملرد تەڭگە كولەمىندە كرەماتوري سالۋ تۋرالى كەلىسىمگە قول قويدى. قۇجاتتارعا سايكەس، جۇمىس 2021 جىلدىڭ 21 قىركۇيەگىندە اياقتالۋى كەرەك. ساتىپ الۋ ءبىر كوزدەن تىكەلەي كەلىسىمشارت جاساسۋ ارقىلى جۇزەگە اسىرىلعان.

كرەماتوري الماتىنىڭ الاتاۋ اۋدانىندا سالىنباق. ول ءبىر زالدان، ەكى پەشتەن تۇرادى.

ال، «Mega Build Kazakhstan» جشس مەردىگەر رەتىندە الماتىداعى بىرنەشە ەليتالىق تۇرعىن ءۇي كەشەندەرىنىڭ، Tamos Education وقۋ ورتالىعىنىڭ، سونداي-اق ازيا گاز قۇبىرى مەن جەتىگەن-قورعاس تەمىرجول جەلىسىنىڭ قۇرىلىسىنا قاتىسقان. نەگىزىن قالاۋشى - ايدوس جۇرىنوۆ.

بۇعان دەيىن الماتىداعى كرەماتوريدىڭ جوبالىق-سمەتالىق قۇجاتتاماسىن ازىرلەۋ بويىنشا تەندەردى «دنت تسەنتر ستروي» جشس جەڭىپ العان بولاتىن. كەلىسىمشارتقا سايكەس، ول 44,5 ملن.تەڭگەگە بەس اي ىشىندە، ياعني 2020 جىلدىڭ قازان ايىنىڭ سوڭىنا دەيىن جۇمىستى ورىنداۋى كەرەك ەدى. كرەماتوريدىڭ قۇرىلىسىن سول كومپانيا قاداعالايدى. بۇل قىزمەتتەر بيۋدجەتكە 15 ميلليون تەڭگە شىعىن اكەلەدى.

ال، نۇر-سۇلتانداعى كرەماتوريدى كىم سالاتىنى ازىرگە بەلگىسىز. 2020 جىلدىڭ جەلتوقسان ايىندا ماسكەۋ قۇرىلىس ديرەكتسياسى «بيولوگيالىق جانە مەديتسينالىق قالدىقتارمەن پاتولوگيالىق بيۋرو سالۋ» وبەكتىسى بويىنشا جوبالاۋ-ىزدەستىرۋ جۇمىستارىن جۇرگىزۋ تۋرالى كەلىسىمگە قول قويدى. قۇجاتتار كەلىسىمشارتتىڭ 099 «زيراتتارمەن كرەماتوريالار سالۋ» بيۋدجەتتىك باعدارلاماسى بويىنشا تىركەۋگە جاتاتىندىعىن كورسەتەدى .

جوبالاۋشى - «ينجەنەرلىك-كونسترۋكتورلىق بيۋرو» جشس - 2021 جىلدىڭ 28 اقپانىنا دەيىن جوبالىق-سمەتالىق قۇجاتتامانى ۇسىنۋعا مىندەتتى. جوبالىق-سمەتالىق قۇجاتتامانى ازىرلەۋ قۇنى 41,9 ميلليون تەڭگەنى قۇرايدى.

جالپى، قازاقستاندا كرەماتوري قۇرىلىسى تۋرالى داۋلار 1980 جىلداردان بەرى جالعاسىپ كەلەدى.

2003 جىلى چەح كومپانياسى - كرەماتسيالاۋ جابدىقتارىن جەتكىزۋشى كومپانيانىڭ وكىلدەرىمەن كەزدەسۋدە وڭتۇستىك استاناعا ەكى كرەماتورلى پەشتەر جەتكىزۋگە شەشىم قابىلدادى جانە بيۋدجەتتەن كرەماتوري قۇرىلىسىنا قاراجات قاراستىرىلدى. بىراق جوبا كەيىنگە قالدىرىلدى.

ودان كەيىن بۇل ماسەلە 2012 جىلى كوتەرىلدى. بىراق، ءدىني قىزمەتكەرلەر كرەماتوري سالۋعا قارسىلىق بىلدىرگەندىكتەن الماتى قالاسىنىڭ قۇرىلىس باسقارماسى قازاقستاندا كرەماتوريالار ەشقاشان سالىنبايدى دەپ حابارلادى.

وسىعان قاراماستان، 2014 جىلى «جەرلەۋ قىزمەتتەرىنىڭ ارنايى كومبيناتى» رمقك وكىلدەرى اكىمدىك قاۋلىسىمەن 3 ميلليون دوللار تۇراتىن كرەماتوري سالۋ جوباسىن دايىندادى. بىراق بۇل جوبا دا كەيىنگە قالدىرىلدى.

الايدا، 2020 جىلعا ارنالعان رەسپۋبليكالىق بيۋدجەتتەن بيلىك الماتى كرەماتوريىنە 1,74 ملرد.تەڭگە، ال، نۇر-سۇلتانداعى كرەماتوري قۇرىلىسىنا 1,48 ميلليارد تەڭگە بولگەن.

Abai.kz