ءوز كەزەگىندە ارمەنيا دا اسكەري قىزمەتكەرلەرى مەن بەيبىت تۇرعىنداردىڭ قايتىس بولعانىن جاريالادى.

باكۋ ەرەۆاندى ازەربايجاننىڭ بىرنەشە اۋدانىن، ونىڭ ىشىندە تەرتەر مەن باردا قالالارىن اتقىلادى دەپ ايىپتادى. ەلدىڭ قورعانىس مينيسترلىگىنىڭ مالىمەتىنشە، اۋە سوققىسىنان 19 ادام مەرت بولىپ، 60-قا تارتا بەيبىت تۇرعىن جارالانعان.

ەرەۆان تاۋلى قاراباق "سمەرچ" رەاكتيۆتىك جۇيەسىمەن اتقىلاعانىن، كەمىندە ءبىر ادام قايتىس بولىپ، ەكەۋى جارالانعانىن ءبىلدىردى. ارمەنيا بولسا، قارۋلى قاقتىعىس باستالعان ءبىر ايدان بەرى ەرەۆان مىڭنان استام جاۋىنگەرىن جوعالتتى دەپ مالىمدەدى.

تاۋلى قاراباق حالىقارالىق دەڭگەيدە ازەربايجاننىڭ جەرى سانالادى. بىراق ول 1990-جىلداردان بەرى ەتنيكالىق ارميانداردىڭ باقىلاۋىندا. سوۆەت وداعى ىدىراعاندا ەرەۆاننىڭ قولداۋىنا يە ارميان سەپاراتيستەرى ازەربايجاننان ءبولىنىپ شىعاتىنىن مالىمدەپ، ارتى ازەربايجان مەن ارمەنيا اراسىنداعى سوعىسقا ۇلاستى. التى جىلعا سوزىلعان سوعىس 1994 جىلعى كەلىسىممەن توقتادى. بىراق بەيبىتشىلىك تولىق ورناعان جوق، ارا-اراسىندا قاقتىعىستار بولىپ تۇردى. سول ۋاقىتتان بەرى تاۋلى قاراباق ەتنيكالىق ارميانداردىڭ قولىندا. سوعىس سالدارىنان جۇزدەگەن مىڭ ازەربايجان بوسقىنعا اينالدى.

Abai.kz