بەيسەنبى, 26 قاراشا 2020
COVID-19 قازاقستاندا. جۇقتىرعاندار — 128400. جازىلعاندار — 114821. قايتىس بولعاندار — 1990
بيلىك 1277 87 پىكىر 20 قازان, 2020 ساعات 10:28

حالىقتىڭ 76,8%-ى «نۇر وتاندى» قولدايدى ەكەن...

جۋىردا قازاقستاندىق قوعامدىق ساياسي ينستيتۋت ەلدەگى بيلىك پارتياسىنا («نۇر وتانعا») دەگەن حالىق سەنىمى قانشالىق ەكەنىن انىقتاپ، ساۋالناما جۇرگىزىپتى. 

قوعامدىق ساياسات ينستيتۋتىنىڭ قازان ايىنداعى ساۋالناماسىنىڭ ناتيجەلەرىنە سايكەس پارتيانى قولداۋ دەڭگەيى 76,8%-دى قۇراعان. سونىمەن قاتار، رەسپوندەنتتەردىڭ 70,7%-ى پارتيانىڭ ساياسي سالادا باسەكەلەستەرى جوق دەگەن پىكىردە، ال 69,2%-ى ەلدىڭ ودان ءارى دامۋىن تەك «Nur Otan» پارتياسىمەن بايلانىستىرادى ەكەن.

پارتيانى قولداۋدىڭ جوعارى دەڭگەيى، بۇل پاندەميا كەزەڭىندە حالىقتى قولداۋ جۇمىستارىنىڭ كۇشەيۋىنىڭ، كەرى بايلانىستىڭ ونلاين-ارنالارى مەن قوعامدىق قابىلداۋلاردىڭ نىعايۋىنىڭ، ەلباسى مەن مەملەكەت باسشىسىنىڭ تاپسىرمالارىنىڭ ورىندالۋىن باقىلاۋ جونىندەگى ماقساتتى جۇمىستارىنىڭ ناتيجەسى.

سونداي-اق، پارتيا رەيتينگتەرىنىڭ ارتۋىنا قوعامدا سۇرانىسقا يە بولا بىلگەن پرايمەريزدى وتكىزۋ ىقپال ەتتى. پرايمەريزدە پارتيا مۇشەلەرىنىڭ 82,4%-ى داۋىس بەردى، 10 مىڭنان استام كانديدات تىركەلدى، ولاردىڭ 55%-دان استامى قالالىق جانە اۋداندىق ءماسليحاتتار تىزىمىنە ءوتتى. قازاقستاندىقتاردىڭ 65,3%-ى پارتيالىق سايلاۋ تۋرالى ەستىگەن، ولاردىڭ 62%-ى پرايمەريزدى «جاقسى تاجىريبە» دەپ ساناعان.

Abai.kz

87 پىكىر