دۇيسەنبى, 30 قاراشا 2020
COVID-19 قازاقستاندا. جۇقتىرعاندار — 131659. جازىلعاندار — 116461. قايتىس بولعاندار — 1990
46 - ءسوز 1257 6 پىكىر 17 قازان, 2020 ساعات 13:54

بىزدەگى ءايىرتىلدى اۋديتوريا ءبىرىن-ءبىرى قولدامايدى

قىرعىزدار جولدا قالار ەدى...

ءبىزدىڭ قوعامدا الەۋمەتتىك ماسەلەسى شەشىلگەن، ساياسي-قوعامي ارىز-شاعىمى جوق، جالپى ساياساتپەن قاق-سوعى جوق، سەن تيمەسەڭ مەن تيمەمەن وتىرعان - ورىستىلدىلەر دەپ اتالاتىن اۋديتوريا بار.

قازاقتىلدى ورتانىڭ وزگەرىسكە دەگەن ۇمتىلىسىن تەجەپ، كەرى تارتىپ وتىرعان ءدال وسى اۋديتوريا. بىلايشا ايتقاندا، باللاست.

قۇداي بىلەدى، بىرتەكتى ەل بولعاندا ساياسي پروتەستىڭ الدەنەشەسىن باستان وتكەرىپ، تاۋەلسىزدىكتىڭ 30 جىلعى تاريحىندا ءبىر ەمەس، بىرنەشە پرەزيدەنت اۋىستىرىپ تاستار ەدىك. قىرعىزدار؟ ولار جولدا قالار ەدى.

قازاقتىلدى ورتا كاردينالدى وزگەرىسكە دايىن، نەگىزى. تالاي رەت تالاپتانىپ تا كوردى. تەك ءبىراۋىزدى ەمەس. اياعىنا وراتىلىپ وتىرعان ورمانداي ءورىستىلدى اۋديتوريا بار.

ءتىلى ءبىر - ۇلتتىڭ تىلەگى ءبىر دەيدى، ءيا. بەلارۋستار Tut.by-عا اراشا ءتۇسىپ جاتىر. جاپپاي. جۇرت بولىپ.

بىزدەگى ءايىرتىلدى اۋديتوريا ءبىرىن-ءبىرى قوستامايدى دا، قۇتقارمايدى دا. ەڭ باستىسى بىرىگىپ ءۇن قاتا المايدى.

ءورىستىلدى ورتا قازاقتىلدى اۋديتوريانىڭ قاي ۇسىنىسىن قولدادى؟ وسىنداعى ورىستاردىڭ ەلدەگى ساياسي احۋالعا شاعىمدانعان كەزى بولدى ما؟ ولاردىڭ اۋزىنان "وسى جۇيەدەن قاجىدىق" دەگەن ءسوز شىققانىن ءوز باسىم ەستىمەپپىن.

اسا ءبىر اۋىر، بۇيىعى، كەرەنەۋ ورتا. بۇل بىزگە دە جۇققان.

قازاقتىلدى ورتاعا ساياسي وزگەرىستىڭ بەلگىسى ۇلتتىق ماسەلەسىنىڭ بۇتىندەي، ءبىرجولاتا شەشىلگەنى عوي. ءورىستىلدى كەڭىستىكتىڭ ىقپالىنان ارىلمايىنشا قازاقتىلدى اۋديتوريا بيزنەستەگى، سەرۆيستەگى باسقا دا سفەراداعى پروبلەمالارمەن بەتپە-بەت كەلە بەرەدى.

ءورىستىلدى اۋديتوريانىڭ قوعامي ساياسي بەلسەندىلىگى، وسى اۋديتوريانىڭ ورتا جاسى، كاپيتالى مەن جالپى ەلگە دەگەن كوزقاراسىن زەرتتەيتىن جاقسى ءبىر الەۋمەتتانۋشى تابىلار ما ەكەن؟..

...

ەكى ايدان استى تۇركيادامىن. وقۋ-توقۋ. ورىستىلدەستەردى جازباي تانيسىڭ. جۇزىنەن ىزعار ەسىپ تۇرا ما، ءبىر بالە. ەموتسيا جوق. كومپلەكستىڭ قۇرساۋىندا قالعان. بۇل بىزگە دە جۇققان. ادىلدىك ىزدەۋ ءۇشىن دە ەموتسيا كەرەك شىعار.

ورىستىلدەستەر ءبىزدىڭ پوتەنتسيالىمىز ەمەس، پروبلەمامىز بولىپ تۇر.

دۋمان بىقايدىڭ جازباسى

Abai.kz

6 پىكىر