سەنبى, 6 ناۋرىز 2021
بيلىك 695 0 پىكىر 30 قىركۇيەك, 2020 ساعات 16:32

پرەزيدەنت قىركۇيەكتە قانداي زاڭدار مەن قاۋلىلارعا قول قويدى؟

Abai.kz اقپاراتتىق پورتالى تۇراقتى تۇردە مەملەكەت باسشىسى قاسىم-جومارت توقاەۆ قابىلداپ، قول قويعان زاڭدارعا، زاڭ جوبالارى مەن زاڭدىق كۇشكە يە قاۋلىلارعا شولۋ جاساپ كەلەدى.  وسى رەتتە، قازاقستان پرەزيدەنتى قىركۇيەك ايىندا قانداي زاڭدارعا قول قويدى؟ قانداي قاۋلىلار قابىلدادى؟ ءبىز شولىپ شىققان ەدىك.

زاڭدار

30 قىركۇيەكتە:

قازاقستان پرەزيدەنتى قاسىم-جومارت توقاەۆ «ەرەكشە قورعالاتىن تابيعي اۋماقتار ماسەلەلەرى تۋرالى زاڭعا وزگەرتۋلار مەن تولىقتىرۋلار ەنگىزۋ» تۋرالى زاڭعا قول قويدى.

قاۋلىلار

7 قىركۇيەكتە:

مەملەكەت باسشىسى قاسىم-جومارت توقاەۆ قر تۇڭعىش پرەزيدەنتى – ەلباسىنىڭ مادەنيەت سالاسىنداعى مەلەكەتتىك سىياقىسىنىڭ كولەمىن ۇلعايتۋ تۋرالى جارلىققا قول قويدى.  ول بويىنشا بۇدان بىلاي ەلباسىنىڭ مادەنيەت سالاسىنداعى 75 مەملەكەتتىك ستيپەندياسى 55 ەسەلەنگەن ايلىق ەسەپتىك كورسەتكىش موشلەرىندە تاعايىندالاتىن بولدى.

قر پرەزيدەنتىنىڭ ورتالىق اتقارۋشى ورگان باسشىلارىنىڭ، جەرگىلىكتى اكىمدەر مەن جوو رەكتورلارىنىڭ حالىققا ەسەپ بەرۋى تۋرالى 2016 جىلعى جارلىعىنا وزگەرىستەر ەنگىزىلدى. ول بويىنشا ەندىگىدە ورتالىق اتقارۋشى ورگان باسشىلارى تۇگەلدەي حالىققا ەسەپ بەرۋى مىندەتتى بولادى.

جاڭادان ەنگىزىلگەن وزگەرىستەرگە سايكەس، اتقارۋشى ورگان باسشىلارىنىڭ ەسەبى جىلدىڭ ەكىنشى توقسانىندا ءوتۋى ءتيىس جانە ەسەپتىك جيىندار الەۋمەتتىك جەلىلەر مەن ينتەرنەت-رەسۋرستاردا، باق-تا ونلاين رەجيمدى ناسيحاتتاولۋى ءتيىس.

مىندەتتى ەسەپ بەرۋ تالابى – ورتالىق اقارۋشى ورگان باسشىلارىنا (مينيسترلىكتەر مەن دەپارتامەن، اگەنتتىك باسشىلارىنا), اۋىل، اۋدان، قالا، كەنت، وبلىس جانە رەسپۋبليكالىق ماڭىزى بار قالا باسشىلارىنا، ۇلتتىق كومپانيالار مەن مەملەكەتتىڭ قاتىسۋىنسىز جۇمىس جاسايتىن حولدينگ باسشىلارىنا قويىلىپ وتىر. ەسكەرتە كەتەتىن ءبىر جايت، بۇل تالاپ – قر قورعانىس جانە سىرتقى ىستەر مينيسترلىكتەرىنە قويىلماعان.

8 قىركۇيەكتە:

مەملەكەت باسشىسى قاسىم-جومارت توقاەۆ قر كونستيتۋتسياسىنىڭ 44 بابىنىڭ 5-تارماقشاسىن باسشىلىققا الا وتىرىپ، قازاقستاندا جاڭادان – قر ستراتەگيالىق جوسپارلاۋ جانە رەفورمالار اگەنتتىگىن قۇرۋ تۋرالى قاۋلى قابىلدادى.

جاڭادان قۇرىلعان اگەنتىك ستراتەگيالىق جوسپارلاۋ جانە مەملەكەتتىك ستاتيستيكالىق قىزمەت سالالارىنىڭ فۋنكتسياسىن جانە رەفورمالاردى ازىرلەۋ، جۇزەگە اسىرۋ بارىسىنا مونيتورينگ جاساۋ اتقاراتىن بولادى. ونىڭ قۇرامىنا قر ۇلتتىق ەكونوميكا مينيسترلىگىنىڭ بىرنەشە وكىلەتتىگى بەرىلگەن.

بۇدان بولەك باسەكەلەستىكتى قورعاۋ جانە دامىتۋ اگەنتتىگى قۇرىلدى.

اتالمىش اگەنتتىك نارىقتاعى باسەكەلەستىكتى قورعاۋ، مونوپوليانىڭ جولىن كەسۋ، مەملەكەت  مونوپوليا سالاسىنا جاتقىزعان قىزمەتتەردى باقىلاۋ ت.ب. قىزمەتتەردى اتقاراتىن بولادى.

9 قىركۇيەكتە:

قر توتەنشە جاعدايلار مينيسترلىگى قايتا قۇرىلدى. مەملەكەت باسشىسى قر كونستيتۋتسياسىنىڭ 44 بابى، 3-تارماقشاسىن باسشىلىققا الا وتىرىپ، قر توتەنشە جاعدايلار مينيسترلىگىن قايتا قۇرۋ تۋرالى قاۋلى قابىلدادى. اتالعان مينيسترلىك بۇعان دەيىن قر ىشكى ىستەر مينيسترلىگىنىڭ قۇرامىندا بولعان.

14 قىركۇيەكتە:

مەملەكەت باسشىسى قاسىم-جومارت توقواەۆ قر پرەزيدەنتى جانىنان رەفورمالىق كەڭەس قۇرۋ تۋرالى قاۋلى قابىلدادى.

17 قىركۇيەكتە:

پرەزيدەنت قاسىم-جومارت توقاەۆ قازاقستاندا تەكسەرۋلەر مەن پروفيلاكتيكالىق باقىلاۋدى بارىپ جۇرگىزۋگە موراتوري ەنگىزۋ تۋرالى 2019 جىلعى جارلىققا وزگەرىستەر ەنگىزدى.

23 قىركۇيەكتە:

وزبەكستاننىڭ سامارقانت قالاسىندا قازاقستاننىڭ باس كونسۋلدىعىن اشۋ تۋرالى قاۋلى قابىلدادى.

تاعايىنداۋلار

2 قىركۇيەكتە:

باعدات مۋسين قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى قىزمەتىنە تاعايىندالدى.

ارمان يساعاليەۆ قازاقستاننىڭ كاراتداعى توتەنشە جانە وكىلەتتى ەلشىسى قىزمەتىنە تاعايىندالدى.

قايرات لاما شاريف قازاقستاننىڭ مىسىرداعى توتەنشە جانە وكىلەتتى ەلشىسى بوپ تاعايىندالدى.

ەرلان الىمباەۆ ۇندىستانداعى ەلشىلىكپەن قاتار شري-لانكاداعى، بانگلادەشتەگى، نەپالداعى، بۋتان مەن مالديۆتەگى ەلشىلىكتەردى دە بىرگە باسقاراتىن بولدى.

جانىبەك ءابدىراشوۆ ۆەنگرياداعى ەلشىلىكپەن قاتار، سولتۇستىك ماكەدونياداعى ەلشىلىكتى باسقارادى.

3 قىركۇيەكتە:

دميتري مالاحوۆ قر سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى قىزمەتىنە تاعايىندالدى.

11 قىركۇيەكتە:

يۋري يلين قر توتەنشە جاعدايلار ءمينيسترى بولىپ تاعايىندالدى.

14 قىركۇيەكتە:

قايرات كەلىمبەتوۆ قر ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى قىزمەتىنە تاعايىندالدى.

سەرىك جۇمانعارين قر باسەكەلەستىكتى قورعاۋ جانە دامىتۋ اگەنتتىگىنىڭ توراعاسى قىزمەتىنە تاعايىندالدى.

سۋما چاكرابارتي قر پرەزيدەنتىنىڭ ەكونوميكالىق دامۋ ماسەلەلەرى بويىنشا شتاتتان تىس كەڭەسشىسى بولدى.

24 قىركۇيەكتە:

ءمادي تاكيەۆ قر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ باسشىسى بولىپ تاعايىندالدى.

30 قىركۇيەكتە:

قايرات وماروۆ قازاقستاننىڭ اۆسترياداعى توتەنشە جانە وكىلەتتى ەلشىسى قىزمەتىنە اۋىستى.

اسقار جۇماعاليەۆ قازاقستاننىڭ نيدەرلاندىداعى توتەنشە جانە وكىلەتتى ەلشىسى قىزمەتىنە تاعايىندالدى.

ماعجان ءىلياسوۆ قازاقستانىنڭ بۇۇ جانىنداعى تۇراقتى وكىلى بولدى.

Abai.kz

0 پىكىر