سەيسەنبى, 27 قازان 2020
COVID-19 قازاقستاندا. جۇقتىرعاندار — 110542. جازىلعاندار — 105675. قايتىس بولعاندار — 1796
1089 4 پىكىر 18 قىركۇيەك, 2020 ساعات 11:42

Tengri Bank بانكروت بولدى

Tengri Bank ليتسەنزياسىنان ايىرىلدى. بۇل تۋرالى قارجى نارىعىن رەتتەۋ جانە دامىتۋ اگەنتتىگى مالىمدەدى. 

اگەنتتىك مالىمەتىنشە، Tengri Bank-ءتىڭ قارجىلىق جاعدايى ناشارلاعان.

«بانكتىڭ قارجىلىق جاعدايىنىڭ ناشارلاۋى نەسيە پورتفەلىنىڭ تومەن ساپاسىمەن بايلانىستى. پروبلەمالىق كرەديتتەردىڭ نەگىزگى بولىگى بانكتىڭ قازاقستاندىق اكتسيونەرلەرىمەن بايلانىستى تۇلعالارىنا 2015 جىلدان باستاپ 2017 جىلعا دەيىنگى كەزەڭدە بەرىلدى. ولاردىڭ ۇلەسىنە Tengri Bank نەسيە قورجىنىنىڭ 58 پايىزى تيەسىلى.

نەسيە پورتفەلىنىڭ 83 پايىزىن قۇرايتىن قايتارىلمايتىن قارىزداردىڭ جوعارى ۇلەسى قارجى ينستيتۋتى اكتيۆتەرىنىڭ ساپاسىنىڭ ناشارلاۋىنا اكەلدى.

2020 جىلعى ناۋرىزدان باستاپ Tengri Bank تولەمدەر مەن اقشا اۋدارىمدارى بويىنشا شارتتىق مىندەتتەمەلەردى تولىق كولەمدە ورىنداماعان.

كورپوراتيۆتىك باسقارۋدىڭ ءتيىمدى جۇيەسىنىڭ بولماۋى جانە ماجوريتارلىق جانە مينوريتارلىق اكتسيونەرلەر اراسىنداعى جالعاسىپ جاتقان ىشكى كورپوراتيۆتىك داۋلار قارجىلىق جاعدايدىڭ ۋشىعۋىنا الىپ كەلدى»، - دەلىنگەن حابارلامادا.

اگەنتتىك وكىلدەرىنىڭ مالىمەتىنشە، سالىمشىنىڭ شەتەل ۆاليۋتاسىنداعى دەپوزيتتەرى بويىنشا وتەماقى تولەنەدى. دەپوزيتتەر بويىنشا كەپىل بەرىلەتىن وتەماقى سوماسىنان اساتىن قالدىقتى بانكتىڭ تاراتۋ كوميسسياسى وتەيتىنى ايتىلادى، ول تاراتىلاتىن بانكتىڭ كرەديتورلارى ءتىزىلىمىنىڭ تالاپتارىن قاناعاتتاندىرۋ كەزەكتىلىگىنە سايكەس ماجبۇرلەپ تاراتۋ تۋرالى سوت شەشىمى زاڭدى كۇشىنە ەنگەن كەزدەن باستاپ تاعايىندالادى.

وتەماقى ۇلتتىق ۆاليۋتادا تولەنەتىن بولادى جانە ونىڭ سوماسى:

- تەڭگەدەگى جيناق سالىمدارى (دەپوزيتتەر) بويىنشا 15 ميلليون تەڭگەدەن;

- ۇلتتىق ۆاليۋتاداعى وزگە دەپوزيتتەر بويىنشا 10 ميلليون تەڭگەدەن;

- شەتەل ۆاليۋتاسىنداعى دەپوزيتتەر بويىنشا 5 ميلليون تەڭگەدەن اسپاۋعا ءتيىس.

سالىمشىدا ءتۇرى مەن ۆاليۋتاسى بويىنشا ءارتۇرلى بىرنەشە كەپىلدىك بەرىلگەن
دەپوزيتتەر بولعان جاعدايدا، ولار بويىنشا 15 ملن تەڭگەگە دەيىن جيىنتىق كەپىلدىك بەرىلگەن وتەماقى تولەنەدى.

زاڭدا بەلگىلەنگەن بارلىق راسىمدەر جۇرگىزىلگەننەن كەيىن Tengri Bank
كليەنتتەرىنە وتەماقى تولەۋ باسقا بانكتەردە اشىلعان بانكتىك شوتتارعا ەسەپتەۋ جولىمەن نەمەسە اگەنت-بانك ارقىلى قولما-قول اقشانى الۋ جولىمەن 2020 جىلعى قازاننىڭ ءبىرىنشى جارتىسىندا باستالادى دەيدى اگەنتتىكتەگىلەر.

«Tengri Bank-ءتىڭ بانكتىك جانە وزگە وپەراتسيالاردى جۇرگىزۋگە بەرىلگەن ليتسەنزيادان ايىرىلۋىنا بايلانىستى قر قارجى نارىعىن رەتتەۋ جانە دامىتۋ اگەنتتىگى تەڭگەدەگى جانە شەتەل ۆاليۋتاسىنداعى دەپوزيتتەر، تولەم كارتالارىنداعى جانە بانك شوتتارىنداعى اقشا قازاقستاننىڭ دەپوزيتتەرگە كەپىلدىك بەرۋ قورىنىڭ (بۇدان ءارى - قدكق) كەپىلدىگىمەن قورعالاتىنىن سالىمشىلار - جەكە تۇلعالاردىڭ ەسىنە سالادى», - دەلىنگەن حابارلامادا.

Abai.kz

4 پىكىر