ادام 22 جاسىنان جۇمىس ىستەۋدى باستاسا، 35 جاسىنا دەيىن 13 جىل قارجى جيناقتاۋعا مۇمكىندىگى بار ەكەن.
13 جىلدى 12 ايعا كوبەيتسەك 156 اي قۇياتىنىمىز شىعادى.

13×12= 156

دەمەك، 156 اي بويى جالاقىمىزدىڭ 10%-ىن قۇيىپ وتىرامىز.

ەندى، زەينەتاقى قورىندا ەڭ كەمىندە ساقتالۋى ءتيىس قارجى 3 ميلليون بولسا، وسى قارجىنى جيناۋ ءۇشىن اي سايىن قانشا قارجى قۇيىلۋى كەرەكتىگىن ەسەپتەپ كورەيىك.

3 000 000 (جينال.قارجى) : 156 (اي) = 19 230ت

ياعني، ءسىز اي سايىن 19 000 تەڭگە قۇيىپ وتىرعاندا عانا وسىنشا قارجى جيناي الاسىز. ول دەگەنىمىز، ءسىزدىڭ ايلىعىڭىز 22 جاسىڭىزدان باستاپ 190-200 مىڭ تەڭگە بولۋى كەرەك.

ەندىگى ماسەلە!
ءسىز مۇنداي ايلىق الىپ وتىرعاندا تەك ەڭ تومەنگى شەكتى قارجىنى عانا جينايسىز.
ياعني، وسى 3 ميلليون ءسىزدىڭ بولاشاعىڭىزعا جيناعانىڭىز. ونى ءسىز الا المايسىز.

تەك وسى 3 ميلليوننان اسقان جيناق قارجىڭىز بولسا عانا الۋعا بولادى.
دەمەك، ءسىز 35 جاسىڭىزعا دەيىن 4-5 ميلليون تەڭگە جيناقتاقتاپ ۇلگەرگەن بولۋىڭىز كەرەك.

5 ميلليون : 156 اي = 32 000ت

سوندا، ءسىز 5 ميلليون جيناۋىڭىز ءۇشىن، ءسىزدىڭ 22 جاسىڭىزدان باستاپ جالاقىڭىز ورتاشا 320 000 تەڭگە بولسا عانا،
10 ميلليوندىق پاتەر الۋىڭىز ءۇشىن باستاپقى 20% جارناسىنا (2ميلليون) جەتەتىن قارجى جينايسىز.

ءوزىم 2005-ءشى جىلدارى اسكەري سالادا 30 000 ايلىق الىپ جۇردىك. 2010-شى جىلدارى ايلىقتارى كوپ بولسا 50-100 مىڭعا جەتكەن بولار.
سوندا....

مۇنداي قارجى جيناۋ قانشالىقتى مۇمكىن؟

مەن بىلەتىن اينالامداعى ادامداردىڭ ورتاشا جالاقىسى 50-150 مىڭنىڭ توڭىرەگىندە. ناقتى مالىمەت بويىنشا 720 000 ادامدا مۇنداي مۇمكىندىك بار ەكەن.

بۇلار كىمدەر؟

ءبىزدىڭ بيزنەسمەندەردىڭ تۇسىنىگىندە قارجىلارىن جاسىرۋ ءۇشىن وزدەرىنە كوپ ايلىق جازبايدى. بەلگىلى ءبىر بولىگى مۇنايشىلار مەن اتوم وندىرىسىندەگىلەر بولار. قالعانى جوعارعى ايلىق الاتىن شەنەۋنىكتەر عانا دەگەن كۇدىگىم بار.

320 000 ايلىق الىپ وتىرعان ادامعا، قورداعى قارجىسىنا "قول سالۋعا" سونشالىقتى مۇقتاجدىق جوق دەپ ويلايمىن. ال، 50-100 000 ايلىقپەن وتىرعاندارعا ارنالعان ەشقانداي مۇمكىندىك كورىپ تۇرعان جوقپىن.

ەلىمىزدىڭ نەگىزىن قۇراۋشى باسىم كوپشىلىگى وسى "ورتادان تومەن" جالاقى الاتىندار ەكەنىن ەسكەرسەك، بۇل وزگەرىستى "تۇرعىن ۇيگە اسا مۇقتاج باسىم كوپشىلىككە" بەرەرى قانشالىقتى ەكەنىن وزدەرىڭىز توپشىلاي بەرەرسىزدەر.