مۇحتار ايۋباەۆ مەملەكەتتىك كۇزەت قىزمەتى باستىعىنىڭ ورىنباسارى قىزمەتىنەن بوساتىلدى. بۇل تۋرالى اقوردا سايتى مالىمدەدى.

«مەملەكەت باسشىسىنىڭ وكىمىمەن مۇحتار اقاتۇلى ايۋباەۆ قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى – ايرىقشا ماقساتتاعى كۇشتەردىڭ قولباسشىسى قىزمەتىنەن بوساتىلدى»، - دەلىنگەن حابارلامادا.

مۇحتار اقاتۇلى ايۋباەۆ 1959 جىلى 22 تامىزدا ەڭبەكشىقازاق اۋدانى تۇرگەن اۋىلىندا دۇنيەگە كەلگەن. قازاق گۋمانيتارلىق-زاڭ ۋنيۆەرسيتەتىنىڭ زاڭ فاكۋلتەتىن (2005) زاڭگەر ماماندىعى بويىنشا بىتىرگەن.

1991 جىلدان  تالدىقورعان وبلىستىق ۇقكب جەدەل وكىلى، اعا جەدەل وكىلى، حاتشىلىق-باسقارماسىنىڭ باستىعى.

1995 جىلدىڭ قاڭتار ايىنان قر پرەزيدەنتىنىڭ جەكە كۇزەتى كەلۋلەردى قامتاماسىز ەتۋ ءبولىمىنىڭ بولىمشە باستىعى، جەكە كۇزەت ءبولىمى باستىعىنىڭ ورىنباسارى، قر پرەزيدەنتىنىڭ كۇزەت قىزمەتى ءبىرىنشى دەپارتامەنتى باستىعىنىڭ ورىنباسارى.

2002 جىلدان قر پرەزيدەنتىنىڭ كۇزەت قىزمەتى باستىعىنىڭ ورىنباسارى - قر پرەزيدەنتى قاۋىپسىزدىگىن قامتاماسىز ەتۋ دەپارتامەنتىنىڭ باستىعى.

2004 جىلدىڭ قر رەسپۋبليكالىق گۆاردياسى قولباسشىسىنىڭ ءبىرىنشى ورىنباسارى. 2006 جىلدىڭ قاڭتار ايىنان قر پرەزيدەنتى كۇزەت قىزمەتى باستىعىنىڭ ورىنباسارى قر پرەزيدەنتىنىڭ قاۋىپسىزدىگىن قامتاماسىز ەتۋ دەپارتامەنتىنىڭ باستىعى.

Abai.kz