قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتىنىڭ ۇيىمداستىرۋىمەن 2020 جىلعى 20 تامىزدا «قازاق ءتىلى ءالىپبيىن لاتىن گرافيكاسىنا 2025 جىلعا دەيىنگى كەزەڭ-كەزەڭىمەن كوشىرۋ جونىندەگى ءىس-شارالار جوسپارى» اياسىندا قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا جانىنداعى ورفوگرافيالىق جۇمىس توبىنىڭ كەزەكتى وتىرىسى ونلاين جۇيەسىندە وتكىزىلدى.

شاراعا  ورفوگرافيالىق جۇمىس توبى مۇشەلەرى، قر ءبىلىم جانە عىلىم مينيسترلىگى عىلىم كوميتەتى  توراعاسىنىڭ ورىنباسارلارى كەڭەسوۆ بولات نۇرلانۇلى مەن رىسجانوۆ ازامات جاقىپبەكۇلى جانە تاۋەلسىز ساراپشىلار  قاتىستى.

قازاقستان رەسپۋبليكاسىنىڭ مادەنيەت جانە سپورت ۆيتسە-ءمينيسترى، ورفوگرافيالىق جۇمىس توبىنىڭ توراعاسى ن.داۋەشوۆ جاڭا ءالىپبيدى ەنگىزۋ جانە وسىعان سايكەس ەملە ەرەجەلەرىن جاساۋ ماسەلەلەرى توڭىرەگىندە كىرىسپە ءسوز سويلەدى. 

ا.بايتۇرسىنۇلى اتىنداعى ءتىل ءبىلىمى ينستيتۋتىنىڭ ديرەكتورى، فيلولوگيا عىلىمدارىنىڭ كانديداتى ا.فازىلجانوۆا جاڭا ءالىپبي نەگىزىندەگى قازاق ءتىلىنىڭ ەملە ەرەجەلەرى جوباسىنا ورفوگرافيالىق توپ مۇشەلەرى مەن تاۋەلسىز ساراپشىلاردىڭ قورىتىندى ساراپتاماسى بويىنشا بايانداما جاسادى. بايانداماشى جۇمىس توبى مۇشەلەرى مەن تاۋەلسىز ساراپشىلار تاراپىنان ايتىلعان سىن-پىكىرلەرگە عىلىمي دايەكتى  جاۋاپ بەرىپ، ولاردىڭ ورىندى ۇسىنىستارىنىڭ ەسكەرىلگەن تۇستارى تۋرالى باياندادى. ەملە ەرەجەلەرىنىڭ مەيىلىنشە ەكشەلىپ، عالىمدار سۇزگىسىنەن سان مارتە وتكىزىلىپ وتىرعانىنىڭ ءمانى –  ونىڭ حالىق تۇتىنۋىنا ىڭعايلى دا جاتىق بولۋىنا ىقپال ەتۋ ەكەنىن ايتتى.   

ورفوگرافيالىق جۇمىس توبى مۇشەلەرىنىڭ جانە تاۋەلسىز ساراپشىلاردىڭ ەملە ەرەجەلەرى بويىنشا بەرگەن ۇسىنىستارى، پىكىرلەرى كەڭ تۇردە تالقىلاندى. 

وتىرىستىڭ قورىتىندىسىندا ەملە ەرەجەلەر بويىنشا ايتىلعان ۇسىنىستار مەن پىكىرلەردى ەسكەرۋ جانە لاتىننەگىزدى ءالىپبي بويىنشا پەرنەتاقتا جوباسىن ءالى دە پىسىقتاۋ قاجەت دەگەن شەشىم قابىلداندى. 

Abai.kz